Дыяцэзія Святога Юзафа ў Іркуцку (Сібір) — самая вялікая дыяцэзія ў свеце, якая ахоплівае значную частку Азіі: ад Краснаярска да Камчаткі, ад Якуціі да Рэспублікі Хакасія, што на поўдні Расіі. Большасць душпастыраў гэтай дыяцэзіі — місіянеры з іншых краін, у тым ліку з Беларусі. Ардынарыем дыяцэзіі з’яўляецца біскуп Кірыл Клімовіч, былы пробашч глыбоцкай парафіі і пазнейшы дапаможны біскуп Мінска-Магілёўскай архідыяцэзіі. А ў сібірскім Агчынску ўжо паўгода працуе сястра Іна Бальцэвіч з Кангрэгацыі Сясцёр Адараторак Крыві Хрыста.