Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
На Сінаі ў Егіпце чарговае забойства хрысціянаў
23.02.2017 10:34

На Сінаі ў Егіпце забітыя два мужчыны за веру ў Хрыста. 65-гадовы Саад Хана быў застрэлены, праўдападобна, ісламістамі, а яго сына Медхата спалілі жывым. Целы ахвяраў былі знойдзены 22 лютага ў цэнтры горада Эль-Арыш.

Трагедыя здарылася пасля публікацыі 19 лютага 20-хвіліннага відэазапісу тэрарыстычнай групоўкі, якая дзейнічае на Сінаі ў супрацоўніцтве з «Ісламскай дзяржавай». Яе члены пагражаюць коптам, якія складаюць 10 працэнтаў насельніцтва Егіпта, называючы іх «любімымі ахвярамі» сваіх дзеянняў.

Тэрарысты таксама асудзілі рэлігійную меншасць за супрацоўніцтва з Захадам у змаганні супраць ісламу. У відэапасланні прагучала перасцярога, што снежаньскі напад тэрарыста-смяротніка на касцёл у Каіры быў толькі пачаткам забойчых актаў, якія чакаюць копцкае грамадства.

Паводле deon.pl
(VGr)

 

Пры выкарыстанні матэрыялаў сайта спасылка на Catholic.By абавязкова.