Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Пантыфік да настаяцеляў манаскіх супольнасцяў: «Не ўмывайце рук перад праблемамі, як Понцій Пілат, бо гэта не вырашыць праблем супольнасці»
Слова Папы
15.02.2017 09:50

Пра свае лісты да св. Юзафа і спакойны сон Папа Рымскі Францішак расказаў падчас сустрэчы з вышэйшымі настаяцелямі манаскіх супольнасцяў у Ватыкане.

Гэта адбылося 25 студзеня за закрытымі дзвярыма з удзелам 140 настаяцеляў розных ордэнаў і мужчынскіх манаскіх супольнасцяў. Пра гэту падзею, аднак, стала вядома толькі 9 лютага, калі ў свет выйшаў італьянскі часопіс Corriere della Sera.

На пытанне, адкуль бярэцца спакой Папы і яго добразычлівасць, Пантыфік запэўніў, што не прымае ніякіх заспакаяльных сродкаў і прызнаўся, што для захавання супакою патрэба трохі pasotismo, або пэўнага раўнадушша ў дачыненні да таго, што адбываецца вакол нас.

Пантыфік таксама дадаў, што ў якасці Папы Рымскага перажывае меншую напружанасць чым у часы, калі быў арцыбіскупам Буэнас Айрэса.

Святы Айцец заўважыў, што гэта, аднак, ні ў якім разе не адзначае «ўмывання рук перад праблемамі». Ён дадаў, што ў Касцёле «ёсць шмат Понціяў Пілатаў, якія ўмываюць рукі, каб быць спакойнымі, а той настаяцель, які гэта робіць, не з’яўляецца айцом і не дапамагае супольнасці».



«Калі з’яўляецца якаясьці праблема, я пішу ліст св. Юзафу і кладу яго пад фігуркай гэтага святога, якая ёсць у маім пакоі. А цяпер ён спіць пад гэтымі карткамі, а я спакойна сплю і заўсёды шэсць гадзін», — дадаў, усміхаючыся, папа Францішак.
 
Паводле deon.pl (IL)

 

Пры выкарыстанні матэрыялаў сайта спасылка на Catholic.By абавязкова.