Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Арцыбіскуп Кандрусевіч наведаў санктуарый Маці Божай Ліхэньскай у Польшчы
Іерархі
27.04.2017 13:59

25-27 красавіка ў санктуарыі Маці Божай Ліхэньскай (Влацлаўская дыяцэзія ў Польшчы) прайшла сустрэча Камісіі па справах кантактаў паміж Каталіцкім Касцёлам у Польшчы, Літве, Латвіі і Беларусі. У сустрэчы прыняў удзел і старшыня епіскапату Беларусі Мітрапаліт Тадэвуш Кандрусевіч.

Удзельнікі сустрэчы абмяркавалі падрыхтоўку да беатыфікацыі літоўскага арцыбіскупа Тэафілюса Матулайціса (Матулёніса), які нёс служэнне і на тэрыторыі сучаснай Беларусі. Яго беатыфікацыя пройдзе 25 чэрвеня ў Вільнюсе.

Асаблівая ўвага была прысвечана вывучэнню пастырства моладзі, сем’яў і залежных ад алкаголю. Было падкрэслена, што патрэбна больш актыўная персанальная праца з моладдзю, у тым ліку і праз інтэрнет і сацыяльныя сеткі.

Як было адзначана, сучасная моладзь патрабуе больш актыўнага пастырскага суправаджэння. Алкагалізм — гэта найперш духоўная праблема і яе вырашэнне дазваляе вырашыць праблему алкагольнай залежнасці. Крызіс сям’і патрабуе больш глыбокай духоўнай падрыхтоўкі да сакрамэнту сужэнста і развіцця пастырства сем’яў.

26 красавіка Мітрапаліт Тадэвуш Кандрусевіч узначаліў св. Імшу ў ліхэньскай базыліцы. У слове да пілігрымаў беларускі іерарх засяродзіўся на тэме Юбілею 500-годдзя выдання Бібліі Скарынам на беларускай мове, а таксама Юбілею 100-годдзя фацімскіх аб’яўленняў, рэалізацыя якіх стала Божым дарам свабоды веравызнання.

Паводле слоў арцыбіскупа, сёння паўтараецца сітуацыя з новым пераследам рэлігіі, калі прымаюцца «антыбожыя законы і ўмацоўваецца матэрыялістычны атэізм». Арцыбіскуп заклікаў вернікаў даражыць дарам свабоды веравызнання і не абменьваць яго на бязбожныя антыкаштоўнасці.

Ліхэнь — месца сустрэчы

Удзельнікі сустрэчы пазнаёміліся і з дзейнасцю кантэмляцыйнай манаскай супольнасці сясцёр анунцыятак, якія служаць у санктуарыі. Гэта супольнасць, заснаваная ў Францыі, акрамя малітвы займаецца пастырскай апекай пілігрымаў.

Тэрыторыя санктуарыя складае 100 гектараў. Комплекс уключае ў сябе базыліку на 3 тысячы сядзячых месцаў, дом пілігрыма, кляштар айцоў марыянаў, якія апякуюцца санктуарыем; кляштар сясцёр анунцыятак, гасцінны дом, памяшканні для рэкалекцый і розных тыпаў душпастырства — моладзевага, сямейнага, душпастырства пакліканняў і цвярозасці.

(DN), (IL)

 

Пры выкарыстанні матэрыялаў сайта спасылка на Catholic.By абавязкова.

Іерархі

01.07 10:47Біскуп Антоні Дзям’янка ў Будславе: «Не варта рабіць з Марыі “краму” для спаўнення жаданняў»
28.06 12:22Паведамленне біскупа Пінскага Антонія Дзям’янкі з нагоды благаслаўлення вуглавога каменя пад новы касцёл Насвяцейшага Сэрца Езуса ў Брэсце
24.06 20:47Беларуская дэлегацыя прыняла ўдзел у біскупскім пасвячэнні кс. Віталія Крывіцкага SDB
19.06 09:58Фотафакт. Апостальскі Нунцый Габар Пінтэр наведаў парафію ў Асіповічах
16.06 11:43Мітрапаліт Кандрусевіч прыняў удзел у міжнародным форуме на тэму барацьбы з карупцыяй
12.06 12:30Паведамленне біскупа Пінскага Антонія Дзям’янкі з нагоды святкавання 400-годдзя асвячэння касцёла ў Ружанах
12.06 08:55Заклік біскупа Аляксандра Яшэўскага да вернікаў Магілёўскага рэгіёна да ўдзелу ў працэсіі Божага Цела
10.06 00:04Адкрыты ліст Мітрапаліта Тадэвуша Кандрусевіча лаўрэату Нобелеўскай прэміі спадарыні Святлане Алексіевіч
24.05 12:27Мітрапаліт Кандрусевіч прымае ўдзел у пасяджэнні італьянскага епіскапату
16.05 13:52«Уражвае дабрыня мясцовых вернікаў»: Апостальскі Нунцый падсумаваў візіт у Віцебскую дыяцэзію