Фота Аўдыё Відэа  
be  ru  pl  en  de info@catholic.by
Віншаванне на Вялікдзень Апостальскага Нунцыя арцыбіскупа Габара Пінтэра
Іерархі
16.04.2017 04:02

Дарагія браты і сёстры ў Беларусі,

Хрыстус, наша надзея, уваскрос; і няма ні ў кім іншым збаўлення (пар. Дз 4, 12). Гэтымі словамі з кнігі Дзеяў Апосталаў усіх вас ад шчырага сэрца віншую са святам Уваскрасення Пана.

Уваскрасенне Езуса становіцца для кожнага з нас крыніцай аздараўлення, надзеі і суцяшэння. Лек ад смерці сапраўды існуе. Хрыстус з’яўляецца дрэвам жыцця, якое зноў становіцца дасягальным для нас.

Калі трымаемся Яго, то знаходзімся ў жыцці. Пасхальнае  віншаванне ўносіць новую перспектыву ў нашае існаванне, як людское, так і хрысціянскае: перспектыву, пазначаную не смерцю, а жыццём; не канфліктам, а супакоем; не індывідуальным эгаізмам, а салідарнасцю; не хлуснёй і падманам, а бляскам праўды, святла і чысціні. Вялікдзень будзе сапраўды добрым і плённым, калі наша грахоўнае жыццё накіруецца і навернецца да Бога.

Аддаленасць і абыякавасць у адносінах да Бога з’яўляюцца трагічнымі хваробамі, якія руйнуюць нашую рэчаіснасць і ўсялякую надзею на будучыню.

Прыгожае імя, якое анёлы даюць Уваскросламу: той, які жывы! У гэтым і ёсць цэнтр нашай веры і нашага існавання: Хрыстус жыве цяпер і тут. Не толькі Яго вучэнне і Яго ідэі, але Яго асоба: калі Ён жывы, Ён кліча нас, дакранаецца да нас, мы можам адчуць Яго дыханне, Ён сее радасць і любіць нас вернай і абсалютнай любоўю. Не сімвалічна, не на паказ, не ідэалізавана, але па-сапраўднаму.

«Калі Хрыстус не ўваскрос, — кажа Пісанне, — то вера ваша марная»: тая вера, якая ўжо дзве тысячы гадоў падтрымлівае незлічонае мноства мужчын і жанчын, надае сэнс іх жыццю, матывуе іх на вялікія справы, на штодённае служэнне, адкрываючы іх на надзею.

Таксама і Беларусь павінна адкрыцца на велікодную надзею, якая прыходзіць да нас ва ўваскрослым Хрысце: на надзею і духоўнае аднаўленне, як умову для любога іншага аднаўлення; на надзею ў дзейснае грамадскае сяброўства, якое можа забяспечыць упэўненасць для нашай моладзі; на надзею на прымірэнне адрознасцей; на надзею на жыццё багатае такімі вартасцямі, як дабро і братэрства.

Нашыя няўдачы, расчараванні і горыч, якія, здаецца, сігналізуюць крах усяго, асветлены надзеяй. Акт любові крыжа пацвярджаецца Айцом, і зіхатлівае святло ўваскрасення ўсё ахінае і перамяняе. Са здрады можа нарадзіцца сяброўства, з адмаўлення — прабачэнне, з нянавісці — любоў.

Усіх шчыра віншую са святам Вялікадня, няхай кожны дзень вашага жыцця будзе напоўнены велікоднай надзеяй!

+ Габар Пінтэр, Арцыбіскуп
Апостальскі Нунцый у Рэспубліцы Беларусь



 

Пры выкарыстанні матэрыялаў сайта спасылка на Catholic.By абавязкова.

Іерархі

27.04 13:59Арцыбіскуп Кандрусевіч наведаў санктуарый Маці Божай Ліхэньскай у Польшчы
16.04 09:17Віншаванні з Вялікаднем біскупа Аляксандра Кашкевіча
16.04 08:51Велікоднае віншаванне біскупа Аляксандра Яшэўскага SDB
16.04 08:00Велікоднае віншаванне біскупа Антонія Дзям’янкі для духавенства і вернікаў Пінскай дыяцэзіі
16.04 04:02Віншаванне на Вялікдзень Апостальскага Нунцыя арцыбіскупа Габара Пінтэра
16.04 00:00Відэавіншаванні каталіцкіх біскупаў
15.04 00:00Пастырскае пасланне Мітрапаліта Кандрусевіча на Вялікдзень 2017
14.04 10:50Біскуп Антоні Дзям’янка: «Вялікі чацвер — добрая нагода, каб мы, святары, перапрасілі за нашы чалавечыя слабасці»
11.04 15:11Мітрапаліт Кандрусевіч: «этычныя» нормы для медыкаў і гендарная ідэалогія ў нашым заканадаўстве — небяспечныя сімптомы
11.04 10:35Біскуп Юзаф Станеўскі на Пальмовую нядзелю ўзначаліў Імшу ў Ваўкавыску