Catholic.by - На Youtube з’явіўся беларускі фільм «Шлях» ад ксяндзоў марыянаў

На Youtube з’явіўся беларускі фільм «Шлях» ад ксяндзоў марыянаў

22.02.2017 11:10

У інтэрнэце з’явіўся беларускі хрысціянскі фільм «Шлях», зняты па замове ксяндзоў марыянаў пад кіраўніцтвам кс. Аляксандра Жарнасека МІС. Стужка здымалася з нагоды беатыфікацыі заснавальніка кангрэгацыі айцоў марыянаў кс. Станіслава Папчынскага MIC, якая адбылася ў 2016 годзе.

Аўтарскі фільм быў зняты яшчэ ў 2009 годзе, але гледачам быў прадстаўлены толькі цяпер.

Як адзначае кс. Аляксандр Жарнасек МІС, фільм моцны ў духоўным плане, зроблены якасна і таленавіта. Для некаторых сцэн здымачная група выязджала ў Прыпяць каля Чарнобыля. Напрыклад, для вобраза пекла кадры рабіліся менавіта там.

Паводле katolik-gomel.by
(VGr)