Каталіцкі Касцёл у Беларусі накрэсліць сваю пастырскую праграму па сродках сацыяльнай камунікацыі, а яе падрыхтоўкай зоймецца працоўная група з прадстаўнікоў усіх дыяцэзій, стварэнне якой запланавана ў бліжэйшай будучыні. Аб гэтым паінфармаваў 25 жніўня 2012 г. Мітрапаліт Тадэвуш Кандрусевіч падчас Першага каталіцкага кангрэса СМІ, які праходзіць у Гродне.
Сярод стратэгічных прапаноў іерарха таксама заснаванне ў кожнай дыяцэзіі інфармацыйных службаў і адказных за мас-медыя; прафесійная і духоўная фармацыя працаўнікоў мас-медыя; супрацоўніцтва са свецкімі СМІ.