23 верасня ў Слоніме прайшоў XIII Рэспубліканскі турнір па міні-футболе «Памяці св. Яна Паўла ІІ». Сёлета ў спаборніцтве прынялі ўдзел 18 каманд з усіх дыяцэзій Беларусі.
На пачатак турніра ў мясцовай парафіі Беззаганнага Зачацця Найсвяцейшай Панны Марыі прайшла малітва і святая Імша, якую ўзначаліў кс. дэкан Ігар Анісімаў.
Да ўдзельнікаў турніра свой зварот па традыцыі скіраваў біскуп Гродзенскі Аляксандр Кашкевіч. Зварот іерарха зачытаў кс. Артур Малафей, арганізатар спаборніцтва і душпастыр спорту Гродзенскай дыяцэзіі.
Каманды, падзеленыя на чатыры групы, разыгралі выніковыя месцы. Усе матчы праходзілі ў бескампраміснай барацьбе, не аднойчы даводзілася прабіваць пасляматчавыя пенальці для выяўлення пераможцы.
Фінальная гульня стала ўпрыгажэннем усяго турніра. Каманда з Грандзічаў (парафія Святога Роха ў Грандзічах, Гродзенскі раён) з лікам 1:0 перамагла «Гродна-Паўднёвы».
На цырымоніі ўзнагароджання акрамя кубкаў і медалёў, а таксама асноўных намінацый былі ўручаны прызы лепшым гульцам у кожнай з каманд. Усе ўдзельнікі турніра атрымалі каштоўныя падарункі ад Генеральнага спонсара Баляслава Івашкі.
Выніковыя месцы:
- Грандзічы
- Гродна-Паўднёвы
- Гродна-Дзевятоўка
- Гродна-Вішнявец
- Ліда (парафія Святой Сям’і)
- Воранава
- Докшыцы
- Слонім (парафія Беззаганнага Зачацця Найсвяцейшай Панны Марыі)
- Гродна-Аўгустовак
- Маладзечна
- Мінск-Савіо
- Баранавічы
- Слонім (парафія Св. Андрэя)
- Паставы
- Брэст
- Новая Мыш
- Мінск-Сухарава
- Сапоцкін
Намінацыі турніра:
- Лепшы гулец — Ягор Пільчук (Грандзічы)
- Лепшы бамбардзір — Аляксандр Палачанін (Докшыцы)
- Лепшы брамнік — Аляксандр Бык (Гродна-Дзевятоўка)
- Прыз глядацкіх сімпатый — каманда г. Брэст
