13 ліпеня, у другі дзень працы Каптітула Кустодыі Беларусі Ордэна Меншых Братоў Капуцынаў, які напярэдадні з благаслаўленнем Апостальскага нунцыя ў нашай краіне распачаў працу ў Новай Баравой, было абрана новае кіраўніцтва Кустодыі.
На агульным сходзе беларускіх капуцынаў былі падведзены вынікі жыцця і дзейнасці братэрскай супольнасці за апошняе трохгоддзе, на працягу якога ўжо другі тэрмін яе кусташам заставаўся брат Алег Шэнда OFMCap. Пасля справаздачы ў адпаведнасці са статутам адбыліся выбары новага кіраўніцтва Кустодыі.
Новым кусташам Кустодыі Беларусі Ордэна Меншых Братоў Капуцынаў удзельнікі Капітула выбралі брата Андрэя Букштана OFMCap.
Госцем капітула ў гэты асабліва важны для супольнасці дзень стаў Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч.
У прамоўленай падчас святой Імшы гаміліі кіраўнік каталіцкага епіскапату краіны заахвоціў братоў памятаць пра фундамент, закладзены папярэднімі пакаленнямі веруючых у Беларусі.
Біскуп Буткевіч таксама павіншаваў новаабранае кіраўніцтва Кустодыі, пажадаўшы братам капуцынам, а асабліва новаму кусташу і яго раднікам, паслухмянасці нахненням Святога Духа.
Тым часам праца Капітула працягваецца, і браты просяць аб малітве ў ініэнцыі іх супольнасці.
