З 31 мая па 2 чэрвеня пры парафіі святога Міхала Арханёла ў Навагрудку адбудуцца рэкалекцыі прысвечаныя каталіцкай духоўнасці і хрысціянскаму стылю жыцця, у тым ліку правільнаму, здароваму харчаванню.
Асаблівую ўвагу на гэта звяртала ўжо святая Хільдэгарда з Бінгена, законнца, Доктар касцёла, якая жыла ў ХІІ стагоддзі.
Тэма рэкалекцый: «Гармонія жыцця. Духоўнасць і нутрыцыялогія».
Духоўныя практыкаванні чэрпаюць натхненне са словаў апостала Паўла з Першага Паслання да Карынцянаў: «Ці не ведаеце, што целы вашыя — гэта святыня Духа Святога, які ў вас» (1 Кар 6, 19).
Рэкалекцыі правядуць айцец Віталь Сапега OP і Ірына Малочка — інтэгратыўны нутрыцыёлаг, псіхолаг, коўч, ментар нутрыцыёлагаў у Міжнародным інстытуце інтэгратыўнай нутрыцыялогіі, якая мае 10-гадовы досвед у тэматыцы здароўя і 10 гадоў супрацоўнічае ў душпастырстве сем’яў Віцебскай дыяцэзіі, вядзе працу з моладдзю і сужэнскімі парамі
План рэкалекцый
- 31 мая, пятніца
- 18.00 – пачатак
- Гармонія жыцця. Нутрыцыялогія і духоўнасць.(а. Віталь Сапега)
- Танны дафамін (Ірына Малочка).
- 1 чэрвеня, субота
- Святая Хільдэгарда з Бінгена — нутрыцыёлаг ад Бога (а. Віталь Сапега)
- Асноўныя прынцыпы рацыёну — шлях да гармоніі (Ірына Малочка)
- Пост ці галаданне? (а. Віталь Сапега)
- Збедненыя прадукты (Ірына Малочка)
- Увечары – адказы на пытанні
- 2 чэрвеня, нядзеля
- Уваскрасенне: уменне «паміраць» у Хрысце (а. Віталь Сапега)
- За меншым не відаць большага. «Капуста ды каша — ежа наша» (Ірына Малочка)
Адрас: г. Навагрудак, вул. Міцкевіча, 1
Дадатковая інфармацыя і запіс па тэл.: +375 (44) 771 99 83 – Марына
