Нарадзіўся каля 1350 г. у Валенсіі (Іспанія) і ў 17 гадоў уступіў у ордэн дамініканцаў. Стаўшы святаром, займаўся выкладчыцкай дзейнасцю. Шырокую вядомасць прынеслі Вінцэнту бліскучыя пакаянныя казанні. З 1400 г. ён на працягу 10 гадоў ездзіў на асле па ўсёй Францыі, Ламбардыі і французскай Швейцарыі. Ён нястомна прапаведваў і вёў вельмі аскетычны лад жыцця, хоць некаторыя яго погляды і выказванні былі не бясспрэчнымі. Памёр 5 красавіка 1419 г. падчас прапаведніцкага падарожжа ў Нармандыю і Брэтань. Святы Вінцэнт Фэрэр лічыцца апекуном страхароў і лясных работнікаў. Яго дапамогі просяць пры галаўным болю і ўсіх хваробах.|
Успамін: 5 красавіка