Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на ІI Нядзелю Адвэнту (4 снежня)
Каментарыі да літургіі і малітва вернікаў
02.12.2016 12:35

Каментарый да літургіі

Калі прыйдзе Збаўца, вечны мір настане.

Езус Хрыстус запрашае нас сёння наблізіцца да алтара нашага збаўлення, да стала Божага слова, і прагне паяднацца з намі ў святой Эўхарыстыі.

Таму з радасцю адкрыем свае сэрцы, каб у малітоўным чуванні годна падрыхтавацца да спаткання з Хрыстом і аднадушна, у адзін голас праславіць Усемагутнага Бога за ўсе дары і ласкі, якія маем.

Каментарый да літургіі слова


Слова Божае адкрывае нам сёння таямніцу нашага збаўлення. У першым чытанні прарок Ісая звяртае ўвагу, што Збаўца будзе судзіць людзей справядліва: «не з погляду вачэй сваіх, і не са слыху вушэй сваіх будзе асуджаць», і прысуд Яго будзе выносіцца ў праўдзе.

Езус Хрыстус прыходзіць ужо цяпер, каб збавіць усіх людзей, таму ў Евангеллі мы чуем заклік да пакаяння: «Пакайцеся, бо наблізілася Валадарства Нябеснае». Гэта вельмі моцны заклік, скіраваны да нас, каб у час Адвэнту мы рупліва рыхтавалі дарогу Пану Богу ў сваіх сэрцах: ачысцілі іх у сакрамэнце пакаяння, пазбавіліся грахоўнага бруду, які перашкаджае нам прыносіць добры плён.

Малітва вернікаў


Спадзеючыся на Божую дапамогу і давяраючы абяцанням нашага Нябеснага Айца, які пасылае Хрыста-Збаўцу, даручым Яму ўсе малітвы і прагненні нашых сэрцаў:

  1. Молімся за святы Каталіцкі Касцёл, каб абуджаў у сэрцах хрысціян любоў да Бога, веру і надзею на вечны мір, справядлівасць і супакой. Цябе просім…
  2. Молімся за Святога Айца і ўсё духавенства, каб прыкладам свайго ахвярнага служэння садзейнічалі пашырэнню Божага Валадарства на зямлі. Цябе просім…
  3. Молімся за нашу Айчыну Беларусь, каб сэрцы яе жыхароў былі спагадлівымі і адкрытымі на патрэбы бліжніх. Цябе просім…
  4. Молімся за цяжка хворых, асабліва тых, хто знаходзіцца ў рэанімацыі, каб добры Бог аздаравіў іх і падтрымаў праз сакрамэнт намашчэння. Цябе просім…
  5. Молімся за тых, каму пагражае небяспека акультызму, каб Усемагутны Бог прасвятліў іх і дапамог зразумець, што праўда і збаўленне магчыма толькі ў Езусе Хрысце. Цябе просім…
  6. Молімся за душы, якія церпяць у чыстцы і чакаюць нашых малітваў, каб моцаю Божай любові і міласэрнасці яны змаглі атрымаць ласку вечнага шчасця ў небе. Цябе просім…
  7. Молімся за нас, сабраных на Эўхарыстыі, каб праз шчырае пакаянне мы змаглі наблізіцца да Хрыста, які прыходзіць, каб вызваліць нас з граху, аздаравіць і збавіць. Цябе просім…

Пане Божа, прымі і выслухай нашыя малітвы, якія мы ўзносім да Цябе праз Хрыста, Пана нашага. Амэн.

Анастасія-Алена Блусянкова

Адноўлена 02.12.2016 12:40
 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)