Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на I нядзелю Адвэнту (27 лістапада)
Каментарыі да літургіі і малітва вернікаў
24.11.2016 17:12

Каментарый да літургіі

Сёння мы перажываем I нядзелю Адвэнту, пачынаем новы літургічны год. Для хрысціян Адвэнт азначае прыйсце Хрыста ў чалавечым целе – Уцелаўленне, як і Яго паўторны прыход. Адвэнт – гэта час чакання Таго, які павінен прыйсці і які ўжо прыходзіць. Не змарнуйма гэтага часу, асабліва калі сённяшні свет хоча скіраваць нашыя думкі толькі на матэрыяльнае. Будзем спрабаваць не згубіць з вачэй таго, што найважнейшае ў падрыхтоўцы да святаў Божага Нараджэння. Гэта сустрэча з Тым, які стаў чалавекам, каб нас зрабіць Божымі дзецьмі і наблізіць да сябе.

Каментарый да літургіі слова


Думка аб паўторным прыйсці Хрыста з'яўляецца галоўнай тэмай сённяшняй нядзелі. Яго вяртанне на зямлю будзе нечаканае. Евангелле заклікае нас чуваць. Гэтым няспынным чуваннем з'яўляецца ўдзел у Эўхарыстыі. Праз яе сёння прыходзіць да нас Бог і  надыходзіць нашае збаўленне, як вучыць св. Павел. Уважліва паслухаем словы, што кіруе да нас Пан.

Малітва вернікаў


Богу, які запрашае нас да эўхарыстычнага стала, занясём нашыя просьбы:

1. Молімся за Касцёл святы, каб паказаў усяму свету, што Бог – гэта адзіная крыніца дабра, міласэрнасці і любові. Цябе просім...
2. Молімся за святароў, каб прапаведвалі і сведчылі аб вялікай любові Бога да чалавека. Цябе просім...
3. Молімся аб ласцы навяртання для людзей, якія даўно не прыступалі да сакрамэнту пакаяння. Цябе просім...
4. Молімся за памерлых, каб атрымалі радасць жыцця вечнага. Цябе просім...
5. Молімся за нас, сабраных на Эўхарыстыі, каб мы ў паставе малітвы і чування чагалі прыйсця Хрыста. Цябе просім...

Просім Цябе, Божа, выслухай нашыя просьбы, якія ў пакоры Табе прадстаўляем. Праз Хрыста, Пана нашага.

С. Людміла Леўдаровіч MChR

 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)