Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на ХХII Звычайную нядзелю, Год С (28 жніўня)
Каментарыі да літургіі і малітва вернікаў
24.08.2016 16:26

Каментарый да літургіі

Езус Хрыстус звяртаецца сёння да нас, кажучы: «Вазьміце ярмо Маё на сябе і навучыцеся ад Мяне, бо Я ціхі і пакорны сэрцам».

Мы прыходзім да Божага алтара, каб вучыцца сапраўднай пакоры і наследаваць Хрыста, які дапамагае нам праз сваё святое Слова вызваліцца з путаў ганарыстасці і пыхі. Езус сёння паказвае нам шлях хрысціянскай дасканаласці.

Каментарый да літургіі слова

«Кожны, хто ўзвышае сябе, будзе паніжаны, а хто паніжае сябе, узвысіцца», – вельмі глыбокая думка скіравана да нас праз Божае слова ў святым Евангеллі паводле Лукі.

Літургія Божага слова робіць акцэнт на тым, што пакорных Бог узвышае, а ганарыстых – прыніжае. Менавіта праз гэта праяўляецца моц Божай любові і справядлівасці.

Каб знайсці любоў і міласэрнасць у вачах Пана Бога і атрымаць адплату ў дзень уваскрасення справядлівых, Збаўца свету заахвочвае нас станавіцца больш пакорнымі і ціхімі, а таксама штодзённа вучыцца бескарыслівай любові да бліжніх.

Малітва вернікаў

Схіляючыся ў пакоры перад нашым міласэрным Айцом, з даверам узнясём да Яго супольныя малітвы:

1. Молімся за Айца Святога Францішка і ўсё духавенства, каб, нягледзячы на пераслед і розныя выпрабаванні, заўсёды крочылі шляхам хрысціянскай дасканаласці. Цябе просім…
2. Молімся за хрысціян усяго свету, каб, наследуючы Хрыста ў цноце пакоры, імкнуліся пашыраць Божае Валадарства ў сэрцах людзей. Цябе просім…
3. Молімся аб міры і супакоі ва ўсім свеце, асабліва ў тых краінах, дзе ўжо доўгі час не спыняюцца ваенныя дзеянні і тэракты. Цябе просім…
4. Молімся за сіротаў, удоваў, інвалідаў, невылечна хворых людзей, каб аднавілі духоўную моц і надзею на збаўленне ў Хрысце Уваскрослым. Цябе просім…
5. Молімся за ўсіх выкладчыкаў і студэнтаў, настаўнікаў і вучняў, якія хутка распачнуць новы навучальны год, каб з дапамогаю Божай ласкі яны атрымалі неабходныя плёны ад выхавання і навучання. Цябе просім…
6. Молімся за душы, якія Божая справядлівасць затрымлівае ў чысцы, каб праз нашы пакорныя малітвы яны змаглі ўвайсці ў Нябеснае Валадарства Божай міласэрнасці. Цябе просім…
7. Молімся за нас, прысутных на нядзельнай святой Імшы, каб праз любоў і міласэрнасць да бліжніх мы кожны дзень наследавалі Езуса Хрыста, які ціхі і пакорны сэрцам. Цябе просім...

Божа Ойча Усемагутны, які заўсёды чуеш малітвы сваіх дзяцей, дазволь нам наблізіцца да Цябе і атрымаць усе неабходныя святыя дары і ласкі, узрастаючы ў пакоры, міласэрнасці і любові. Праз Хрыста, Пана нашага. Амэн.

Падрыхтавала Анастасія-Алена Блусянкова

 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)