Фота Аўдыё Відэа  
be  ru  pl  en  de info@catholic.by
Ліст Папы Францішка біскупу Аляксандру Кашкевічу на Нацыянальны эўхарыстычны кангрэс

Глыбока шаноўнаму Брату Аляксандру Кашкевічу
Біскупу Гродзенскай дыяцэзіі

Жадаючы як мага больш рупліва выконваць абавязкі наступніка св. Пятра, з асаблівай лагоднасцю і любоўю злучаемся з сабратамі ў біскупскім служэнні, якія „кіруюць даручаным ім партыкулярным Касцёлам як вікарыі і пасланнікі Хрыста”. Сёння звяртаюся да цябе, глыбока шаноўны Браце, які 23 дня бліжэйшага месяца будзеш урачыста адзначаць сярэбраны юбілей твайго біскупскага служэння.

Народжаны ў Віленскай архідыяцэзіі і добра выхаваны ў сям’і і школе, ты паступіў у семінарыю ў Каўнасе і, скончыўшы курс філасофіі, тэалогіі і іншых дысцыплін, 30 мая 1976 года прыняў прэзбітэрскае пасвячэнне. Найперш сваю святарскую руплівасць ты сведчыў як вікарый у Панявежысе, затым з 1981 года як кіраўнік парафіі Святога Духа ў горадзе Вільнюсе.

Святы Ян Павел ІІ 13 красавіка 1991 года, дваццаць пяць гадоў таму, устанавіў рыма-каталіцкую Гродзенскую дыяцэзію і прызначыў цябе яе першым біскупам.

Стала і мудра кіруючы ажно да сённяшняга часу гэтым статкам, ты паказваў дух адказнасці адносна ўсіх тваіх вернікаў, асабліва ж адносна святароў і тых, хто рыхтуецца да святарства. Праз выхаваўчую дзейнасць і рознага роду лісты ты выяўляў мудры клопат аб сапраўдным развіцці жыцця хрысціян і грамадства.

Ты спрыяў росту сакрамэнтальнага жыцця тваіх вернікаў, выяўляў майстэрства ў пастырскіх справах і распараджэнні штодзённымі абавязкамі. У новай дыяцэзіі ты ўстанавіў розныя структуры, асабліва курыю, семінарыю і новыя парафіі, усім, асабліва бедным і нешчаслівым, нёс духоўнае суцяшэнне. Лічым годным памяці тваё моцнае сведчанне хрысціянскай веры і вернасці наступніку св. Пятра, дадзенае адносна рэлігій, не блізкіх хрысціянству, дзейнасць, якую здзяйсняў у Канферэнцыі Каталіцкіх Біскупаў у Беларусі, дзе ўмела выконваў абавязак старшыні, а таксама рупліва працаваў у Радзе па справах моладзі і каталіцкай адукацыі.

Прымі ж, глыбока шаноўны Браце, найлепшыя пажаданні, якія Мы табе выражаем, просячы аб гэтым Пана, Даўцу ўсялякага дабра, каб праз заступніцтва благаслаўлёнай Дзевы Марыі, якая ў санктуарыі ў Вільнюсе шануецца асабліва як Маці міласэрнасці і якая з’яўляецца Апякункай даручанай табе дыяцэзіі, учыніў паспяховым кожны твой дзень і сваёй нястомнай дапамогай спадарожнічаў табе і ўсім табе давераным.

Ахвотна ўдзяляем табе наша апостальскае благаслаўленне, пасрэдніцтва нябесных дароў, якое няхай будзе перададзена ўсім вернікам Гродзенскай дыяцэзіі, а таксама ўдзельнікам Нацыянальнага эўхарыстычнага кангрэсу, і ад вас усіх чакаем малітвы, каб вельмі цяжкі Пятровы абавязак згодна з Божай воляй мы мелі сілы як мага больш плённа выконваць.

З Ватыкана, 18 красавіка 2016 года, у Юбілейны Год Міласэрнасці, у чацвёрты год нашага пантыфікату.

Францішак

Адноўлена 23.05.2016 19:09
 

Пры выкарыстанні матэрыялаў сайта спасылка на Catholic.By абавязкова.

Выступленні

23.12 16:38Пастырскае пасланне арцыбіскупа Тадэвуша Кандрусевіча на Божае Нараджэнне 2016
23.12 11:36Адкрыты ліст Мітрапаліта Кандрусевіча міністру аховы здароўя РБ Васілю Жарко
18.12 16:24Прамова Апостальскага Нунцыя арцыбіскупа Габара Пінтэра падчас адвэнтавага чування моладзі ў Мінску
13.10 17:25Даклад а. Паўла Федаровіча MIC пра заснавальніка супольнасці марыянаў святога Станіслава Папчынскага
10.10 15:00Прывітальнае слова Мітрапаліта Кандрусевіча на адкрыццё III Міжнароднай сустрэчы партнёраў «Карытас» Беларусі
08.10 21:12Слова арцыбіскупа Тадэвуша Кандрусевіча падчас пленарнага пасяджэння Рады Біскупскіх Канферэнцый Еўропы ў Манака пасля зацвярджэння г. Мінска месцам правядзення Пленарнага пасяджэння ў 2017 г.
29.09 14:32Выступленне Мітрапаліта Кандрусевіча на адкрыцці выстаўкі «Свет нябесны на зямлі. Сакральнае мастацтва Беларусі XVII-XXI стагоддзяў» у Мінску
26.08 14:54Прывітальнае слова Мітрапаліта Тадэвуша Кандрусевіча на адкрыцці навукова-практычнай канферэнцыі «Беларусь, Нясвіжскі край і Эдвард Вайніловіч»
29.07 21:33Катэхеза Мітрапаліта Тадэвуша Кандрусевіча падчас XXXI Сусветных дзён моладзі
23.06 17:49Прамова арцыбіскупа Тадэвуша Кандрусевіча на V Усебеларускім народным сходзе