29 чэрвеня 2014 г. мінула 100-я гадавіна з дня нараджэння кс. прэлата Пятра Барташэвіча, стараннага душпастыра і вязня лагераў. У 1955 г., калі святар пасля вызвалення з лагераў вярнуўся ў Беларусь, адным з першых месцаў, дзе ён распачынаў служэнне, быў Адэльск – радзіма арцыбіскупа Тадэвуша Кандрусевіча. Мітрапаліт падзяліўся з Catholic.by сваімі ўспамінамі пра кс. Пятра Барташэвіча.

Падчас летняга адпачынку карэспандэнт Catholic.by пазнаёміўся з айцамі капуцынамі, якія служаць у балгарскім прыморскім горадзе Бургас. Пра рэлігійную сітуацыю ў Балгарыі і асаблівасці “курортнага” душпастырства распавядае пробашч рыма-каталіцкай парафіі Маці Божай у Бургасе айцец Яраслаў Бабік OFMCap.

25 ліпеня 1989 года Мітрапаліт Тадэвуш Кандрусевіч быў прызначаны біскупам — Апостальскім адміністратарам для католікаў лацінскага абраду ў Беларусі. З нагоды юбілею рэдакцыя catholic.by віншуе Яго Эксцэленцыю і прадстаўляе інтэрв’ю, дзе Мітрапаліт узгадвае гэты дзень, а таксама іншыя моманты свайго служэння.

Словы Папы Францішка пра “Касцёл бедны і для бедных” вынікаюць “з Нагорнага казання Езуса, дзе Ён кажа пра тое, што благаслаўлёныя ўбогія, бо ім належыць Валадарства Нябеснае”; такім чынам “Папа хоча звярнуць увагу ў наш час на тое, што Касцёл не павінен страціць сваёй місіі – весці чалавека да Божага Валадарства”, адзначае біскуп Віцебскі Алег Буткевіч. Па словах іерарха, “убогасць – гэта стан Касцёла, які не канцэнтруецца ў першую чаргу на матэрыяльным баку жыцця, але ўмела карыстаецца тым, што дае Бог чалавеку ў гэтым свеце”.

«Беларусь – такое месца, дзе Каталіцкі Касцёл вельмі “адчуваецца” – у грамадстве, у культуры. Вельмі моцная прысутнасць і Праваслаўнай Царквы, і Каталіцкага Касцёла. Я думаю – гэта вельмі вялікі шанс для Беларусі. Я перш за ўсё бачыў гэта і адчуў у змешаных сем’ях, каталіцка-праваслаўных. Я лічу, што гэта Божы зарад новай, магчыма, яшчэ неспазнанай любові, аб якой марыў Езус», — лічыць айцец Станіслаў Памыкала, езуіт, душпастыр парафіі Св. Антонія ў Віцебску.

“Быць прадстаўніком Папы ў гэтай краіне – вялікі прывілей. Бо глыбокая любоў да Папы, якая каштавала жыцця многім людзям у часы пераследу, у момант стварэння ўмоваў большай свабоды і цяпер жыве ў верніках ва ўсёй поўні, свежасці і ва ўсім сваім эмацыйным запале”, - адзначыў Апостальскі Нунцый у Беларусі арцыбіскуп Клаўдыё Гуджэроцці. Іерарх адказаў на некалькі пытанняў Беларускай рэдакцыі Ватыканскага радыё.

Вялікі вопыт за спіной, першыя крокі ля вытокаў каталіцкага друку ў Беларусі, справа заснавання выдавецтва «Pro Christo» належаць і ёй – Аліне Сяргееўне Новікавай. На чарговай Міжнароднай кніжнай выставе, якая праходзіла з 5 па 9 лютага ў Мінску, мы пагутарылі са спадарыняй Алінай аб асаблівасцях кнігавыдання рэлігійнай літаратуры і перспектывах яго развіцця.

11 лютага, у Сусветны дзень хворых, запрашаем да бліжэйшага знаёмства з Ордэнам баніфратраў. Як сучасныя баніфратры працягваюць працу свайго заснавальніка св. Яна Божага? У якіх краінах свету працуюць і як дзейнічаюць бальніцы Шпітальнага ордэна ў сучасным свеце? Колькі прадстаўнікоў з Беларусі налічвае сёння Ордэн баніфратраў? На гэтыя пытанні адказвае брат Эмануэль Юран.

“Мне яшчэ трэба ўсвядоміць тое вялікае заданне, якое ўсклалася на мяне. (…) Мацуе найперш малітва. Без яе ўсё астатняе губляе значэнне. Біскуп - гэта духоўны кіраўнік. І самае цяжкае, як ні парадаксальна, – не згубіць асабістую лучнасць з Хрыстом, не прызвычаіцца да гэтага служэння, каб яно не стала руцінай”, - адзначае віцебскі ардынарый біскуп Алег Буткевіч, пасвячэнне якога адбылося 18 студзеня. Іерарх даў інтэрв’ю tut.by. 

17 гадоў таму Папа Ян Павел ІІ устанавіў у Касцёле Дзень кансэкраванага жыцця, які адзначаецца  ў свята Ахвяравання Пана, 2 лютага. Пра жыццё сваёй супольнасці апавядаюць сёстры рэдэмптарысткі (Кангрэгацыя Найсвяцейшага Адкупіцеля) з Польшчы.

«Праз аб'ектыў фотаапарата я пачаў бачыць тое, што звычайнае вока ўбачыць не ў стане. Я пачаў вучыцца ўспрымаць людзей і свет вакол мяне па-іншаму». Напярэдадні свята Ахвяравання Пана і Дня кансэкраванага жыцця брат Корнэль Консэк SVD — вядомы фатограф часопіса «Дыялог» — у інтэрв’ю для Сatholic.by распавёў пра любоў да фатаграфіі і пра сваю працу.

Аб асаблівасцях экраннай прадукцыі, прадстаўленай на адным з унікальных кінапраглядаў у нашай краіне — «Magnificat», аб яго ўплыве на айчыннае дакументальнае кіно гутарка са шматгадовым членам журы фестывалю хрысціянскіх фільмаў і тэлепраграм «Magnificat», кіназнаўцай Галінай Шур.