Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Гамілія біскупа Аляксандра Яшэўскага SDB на заканчэнне юбілейнага года св. Тэрэзы ад Езуса.

Мінск, парафія Божага Цела, 15 кастрычніка 2015 года

Дарагія браты і сёстры, я паспрабую сёння падзяліцца з вамі  саімі разважаннямі і думкамі пра тую духоўную спадчыну, якую асабіста мне сёння пакідае  св. Тэрэза ад Езуса. Яна пакідае надзею, што кожны з вас для сябе возьме з гэтага дня таксама штосьці добрае.

1. Жыццё св. Тэрэзы ад Езуса было вельмі прыгожым.

Яна нарадзілася ў хрысціянскай сям'і, дзе вера пастаянна практыкавалася. Яна не аднойчы чула ў сваёй сям'і біяграфіі розных святых, таму і  сама вельмі моцна жадала  стаць святой.

Ведаючы, што пакутнікі, якія аддаюць сваё жыццё за веру,  адразу становяцца святымі і могуць бачыць і праслаўляць Бога, яна разам са сваім братам, пайшла ў падарожжа насустрач маўрам, каб змагацца за сваю веру і дасягнуць ласкі неба.

Аднак падарожжа св. Тэрэзы на мучаніцкую смерць хутка скончылася, калі яны разам з братам пераступілі муры горада. Бацькі знайшлі іх і  вярнулі назад.

Гэты выпадак, аднак, сведчыць, наколькі прага быць святой не перашкаджала ні ёй, ні брату.
Святая Тэрэза вельмі любіла Найсвяцейшую Панну Марыю.

Аб гэтым пра яе, дарагія браты і сёстры сведчыць адзін маленькі факт. Калі яе маці адышла ў вечнасць, дванаццацігадовая дзяўчынка пайшла да выявы Найсвяцейшай Панны Марыі і слёзна прасіла, каб Найсвяцейшая Панна Марыя стала яе Маці.
Гэтую любоў да Маці Божай св. Тэрэза ад Езуса захавала да канца свайго жыцця і жадала наследаваць яе, будучы пакорнай і вернай слугой Пана.

2. Я асабіста паразважаў над іменем св. Тэрэзы.

Святая Тэрэза ад Езуса. Са Святога Пісання мы ведаем, як Пан Бог змяняў імёны людзям, якія павінны былі выканаць  выключнае заданне ў жыцці.

Успомнім Абрама і Сару, якіх Бог паклікаў ісці ў іншую зямлю і даў ім іншыя імёны – Абрагам і Саара. Ведаем таксама, якое значэнне мела імя Самсона, а таксама яго доўгія валасы. Успамінаем Майсея, які вывеў народ з Егіпту. Яго імя таксама невыпадковае, або таксама  імя св. Яна Хрысціцеля. А імя нашага Збаўцы Езуса Хрыста?  «Народзіш сына і дасі яму імя Езус, што значыць Бог з вамі» (Лк. 1, 31)

Усе гэтыя прыклады сведчаць, што людзі, якія мелі выключнае значэнне для чалавецтва, мелі таксама і адметнае імя.

3. Чытаючы біяграфію св. Тэрэзы ад Езуса я зразумеў, што і яна таксама дарастала да свайго імя, каб назваць сябе Тэрэза ад Езуса.

Паглядзіце, прайшло дакладна 26 год  з  таго моманту, калі Тэрэза ўступіла у кармэліцкі кляштар 2 лістапада 1536 году і толькі  24 жніўня 1562 г., святая распачала рэформу свайго Ордэну, яна выбрала менавіта гэтае імя – Тэрэза ад Езуса.

Яна ў сваім жыцці перажыла містычны момант спаткання з Езусам і зразумела, што хоча вельмі моцна быць падобнай да Яго, таму і назвала сябе Тэрэза ад Езуса. Першы містычны досвед аддбыўся ў капліцы кляштара, калі Тэрэза глядзела на абраз, дзе Езус быў прадстаўлены «Ecce homo» – вось чалавек, Пан, які стаіць перад усімі, увесь паранены, у цярновай кароне.

Гледзячы на гэты абраз, на раны Хрыста, на  муку на яго абліччы, Тэрэза пачала разумець, што Езус гэта ўсё учыніў з любові не проста да ўсяго чалавецтва, а таксама з любові да яе. Яна вельмі моцна разважала над Яго мукаю, смерцю і ўваскрашэннем, над кожнай ранай, якая знаходзіцца на целе Езуса. Св. Тэрэза ад Езуса разумела, што толькі Езус годны сапраўднай хвалы і любові.

Асабліва св. Тэрэза ад Езуса разважала над тым, як Езус маліўся ў садзе Аліўным і думала аб самоце Езуса.
Толькі Ён размаўляў з Айцом, нават Апосталы, верныя вучні яго спалі і не чувалі разам з ім. Св. Тэрэза ад Езуса вельмі моцна злучаецца з Езусам ў гэтай самоце  і  малітве ў садзе Аліўным.

Наступны момант, калі Тэрэза распазнала, што Езус годны сапраўднай любові, момант, калі інквізіцыя забаніла чытаць кнігі на яе роднай кастылійскай мове.
Св. Тэрэза вельмі любіла чытаць кнігі, і не толькі чытаць, але ўмела прыгожа пісаць. Вядома, што яна вельмі любіла слухаць апавяданні пра рыцыраў і нават  сама напісала рыцарскі раман, які, нажаль,  не захаваўся.

Калі яна даведалася, што інквізіцыя забараняе чытаць кнігі на яе роднай кастылійскай мове, яна вельмі засумавала, што не можа пазнаваць з кніг пра нашага Збаўцу Езуса Хрыста. І вось тады, калі гэты сум панаваў у яе душы, яна бачыць Пана, і Пан ёй сказаў такія словы: «Не бойся, я сам дам табе кнігу, Кнігу жывую.»

Толькі праз некалькі дзён Тэрэза зразумела, што гэтай Жывой кнігай з'яўляецца Ён сам. І што менавіта гледзячы на Яго, паглыбляючыся ў Яго навуку, яна даведалася больш, чым з усіх кніг, прачытаных да гэта дня.

Дарагія браты і сёстры, калі я асабіста ўвайшоў у вашу  капліцу і ўбачыў гэты прыгожы стары крыж, я зразумеў,  што ён да нас можа прамовіць нашмат больш, чым мноства казанняў, якія гучаць з гэтай, ці іншай амбоны. Таму лёгка зразумець, чаму менавіта Езус Хрыстус, той жывы, стаў для Тэрэзы самым лепшым Настаўнікам.

І Пан Езус пажадаў стаць сапраўдным Сужэнкам св. Тэрэзы.

Нагадаем, што калі св. Ян ад Крыжа, які зрэфармаваў мужчынскую галіну кармэліцкай сям'і , аднойчы ўдзяляў св. Тэрэзе Святую Камунію, даў ёй не цэлую кансэкраваную  Гостыю а толькі палову. Тады  св. Тэрэза убачыла яго руку, на якой быў прыбіты цвік .
У гэты момант Пан Езус сказаў, што гэта рука з'яўляецца рукой Яго з заручын са святой. Ён пажадаў, каб св. Тэрэза была Яго «умілаванай абранніцай і каб бараніла гэтае абранне быць Яго сужэнкай».
Св. Тэрэза ад Езуса  ў сваім жыцці сапраўды моцна паглыблялася ў  сябе, каб у яе думках і сэрцы заўсёды быў толькі Езус і Божыя справы.

4. Я задумваюся, дарагія браты і сёстры, што можна ўчыніць, каб бараніць Хрыста?

І зноў жа адказ знаходжу ў св. Тэрэзы. У першую чаргу Яго патрэбна пазнаць.

Калі мы з вамі таксама жадааем бараніць Бога, бараніць Езуса і нашы хрысціянскія каштоўнасці, у першую чаргу мы павінны іх пазнаць.  Патрэбна пазнаць Бога, пазнаць Езуса – Таго, Які ўцелавіўся і  прыняў муку і смерць на крыжы дзеля нашага збаўлення, Таго, які уваскрос, каб мы мелі радасць у жыцці вечным.

Св. Тэрэза ад Езуса вучыць нас сёння, што патрэбна спачатку пазнаць Езуса, як пазнала яна, каб умець яго бараніць.

Мы з вамі ўсе маем одно прыгожае супольнае імя. І гэтае імя хрысціяне. Корань гэтага імя ад слова Хрыстус. Таму, калі я называю сябе хрысціянінам, я павінен быць з Хрыстом вельмі моцна злучаны. Я павінен яго ведаць, я павінен ім жыць, каб быць сапраўдным хрысціянінам.

Імя св. Тэрэзы - Тэрэза ад Езуса, сведчыць аб тым, што яна належыць да Езуса. Яна Яго ведала, яна Яго любіла і сапраўды бараніла.

5. Другая думка, дарагія браты і сёстры,якая прыходзіць да мяне разважаючы над жыццём св. Тэрэзы Авільскай - гэта моман рэформы.

Яна з'яўляецца вялікім рэфарматарам свайго жаночага кармэліцкага ордэна. Св. Тэрэза ад Езуса таксама разам са. св. Янам ад Крыжа зрэфармавала і мужчынскую галіну.
Што прывяло св. Тэрэзу да рэформы?

Ёсць адна вельмі прыгожая яе думка. Св. Тэрэза казала: «Бог мае у свеце так  шмат непрыяцеляў  і вельмі мала прыяцеляў. Мне б хацелася, каб тыя, хто нызывае сябе Яго прыяцелямі, былі сапраўднымі Яго сябрамі.»

Прыгожая думка. Калі паглядзець на нашу сучаснасць, то можна ўбычыць, што і сёння Бог мае вельмі шмат непрыяцеляў і так мала прыяцеляў.

Таму мы павінны сёння зразумець, што не трэба прагнуць рэфармаваць кагосьці другога, рэфармаваць наша грамадства, а пачаць рэфармаваць саміх сябе, каб жадаць быць сапраўдным сябрам, сапраўдным прыяцелем Езуса Хрыста і быць з ім па-сапраўднаму, каб гэта было бачна ў нашых словах, у нашых учынках і ў нашым хрысціянскім жыцці.

6. Рэфармууючы Ордэн, Тэрэза абапіралася на Божае слова, абапіралася на Святое Пісанне. Мы ведаем Эразма з Ратэрдаму. Яго інтэрпрэтаванне Божага Слова прывяло да таго,  што нават было забаронена мець і чытаць Святое Пісанне.
Нягледзячы на тое, што св. Тэрэза да канца не разумела лацінскую мову, і нават калі малілася на брывіярыі, то да канца не разумела тых малітваў, якія чытала на латыні, яна аднак, дзякуючы уважліваму слуханню пропаведзяў, малітоўнікам, у якіх таксама цытавалася Святое Пісанне, глыбока з ім з'ядналася.

Нездарма ў яе творах можна знайсці 550 цытатаў са Святога Пісання.  350 належыць Новаму Запавету а 200 - Старому запавету. Калі б сёння кожны з нас, дарагія браты і сёстры, задумаўся над тым,  колькі ён ведае цытат Святога Пісання, колькі слоў Святога Евангелля чуе кожны дзень, колькі навукі чуе з гаміліі падчас нядзельнага спаткання?

7. Ці застаецца ў нас гэтае Божае слова? Ці мы ведаем яго на памяць, ці імкнемся, каб яно было дзейсным і змяняла наша жыццё?
Нажаль, дарагія браты і сёстры, гэта не заўсёды так. І таму св. Тэрэза вучыць нас смакаваць Божае Слова, смакаваць тое, што гучыць з амбоны, смакаваць тое, чым мы молімся падчас нашых прыватных малітваў.
Слова Божае павінна быць кантэмпляваным. Кантэмпляцыя - гэта вельмі містычнае слова. Гэта значыць разважаць над гэтым словам, сузіраць і ўглыбляцца ў гэтае слова. Задаваць пытанне, што  Бог у гэтым слове кажа менавіта мне? Бо толькі разважаючы над Божым словам можна ўцелавіць яго у нашае жыццё.

Мы заўсёды спачатку думаем, як выйсці з той, або іншай жыццёвай сітуацыі, а пасля дзейнічаем.

Штосьці падобнае штодзённа павінна таксама адбывацца  і ў нашым духоўным жыцці. Мы павінны штодзенна разважаць над Божым Словам, каб уцелавіць Яго ў нашае жыццё. Нашае хрысціянства не можа быць павярхоўным.

Жыццё святой Тэрэзы ад Езуса было вельмі глыбокім - яна  настаўнік духоўнага жыцця. Кожнае слова настаўлення, якое перадае нам св. Тэрэза прадумана і пацверджана ўласным досведам і грунтуецца  на Божым Слове.
Нават калі Тэрэза разважала, чаму менавіта яе Бог кліча да рэформы, пачула просты адказ6: «ты служы мне і не разважай пра гэта. Ты служы мне і здзяйсняй тое, што я табе скажу, не задавай пытанні, чаму ты, а не хтосьці іншы.»

Св. Тэрэза была таксама вялікім настаўнікам малітвы. Магчыма, яна і распачала рэформу, таму, што убачыла, што акрамя супольных малітваў не было больш малітвы ў жыцці манахінь, якія прысвяцілі сваё жыццё сузіранню, малітве, размове з Богам.
Магчыма, убачыла між іншым, вельмі выгоднае жыццё, якое таксама і яна вяла. Яна зразумела, што гэтага не дастаткова, такім чынам нельга наследаваць Пана, таму трэба штосьці змяняць. І яна змяніла.  
І апошняе, аб чым разважаў я, гэта словы, якія св. Тэрэза сказала перад смерцю.

Калі яна памірала, то сказала словы: «Я дачка Касцёла.»

Я лічу, што ў  гэтых словах скрываецца ўся любоў да Касцёла, галавою якога з'яўляецца Езус Хрыстус. Любоў да Касцёла як да Маці, якая навучае і настаўляе, якая чакае, а часамі можа і  пакараць. Але яна гэта заўсёды чыніць для таго каб, злучыць людзей з Богам.

Нават рэформа яе Ордэна была зроблена з любові да Касцёла, каб таксама аднавіць увесь Касцёл. Рэформа св. Тэрэзы ад Езуса, у адрозненне ад рэформаў Марціна Лютэра не прывяла да разладаў, а служыла еднасці і лучнасці з Касцёлам.
Нам сёння з вамі застаецца толькі дзякаваць Пану Богу за дар гэтай вялікай Святой, праз заступніцтва якой мы сёння ўзносім нашы малітвы.

Але таксама варта сёння задумацца наконт нашага з вамі імя – хрысціяне.

Патрэбна, каб так як  св. Тэрэза ад Езуса, мы былі падобныя да Таго, хто з'яўляецца галавой і цэнтрам нажага жыцця – і гэтага зямнога і гэтага вечнага.

Мы павінны зрабіць рэформу нашага асабістага жыцця, не пачынаючы ад кагосьці іншага, а ад саміх сябе, каб пазнаваць Езуса ў Божым Слове, у Святым Пісанні, каб жыць таксама Эўхарыстыяй.  Варта таксама мець жаданне быць дзецьмі Касцёла, любіць яго і бараніць  сваімі учынкамі.

Жадаю і сабе і вам, углядаючыся ў св. Тэрэзу, прагнуць святасці, таму што толькі святыя убачаць Бога. Амэн.

Адноўлена 16.10.2015 15:43
 

Пры выкарыстанні матэрыялаў сайта спасылка на Catholic.By абавязкова.

Гаміліі

05.07 09:13Гамілія Мітрапаліта Кандрусевіча падчас св. Імшы ў Тракелях
01.07 11:55Гамілія Мітрапаліта Кандрусевіча падчас св. Імшы ў Будславе
26.06 11:53Гамілія Мітрапаліта Кандрусевіча падчас св. Імшы на распачацце пілігрымкі з Мінска ў Будслаў
21.06 11:59Гамілія Мітрапаліта Кандрусевіча на Імшы для ўдзельнікаў Парафіяды Гродзенскай дыяцэзіі
15.06 12:02Гамілія Мітрапаліта Кандрусевіча да 25-годдзя адраджэння парафіі ў Слуцку
04.06 15:47Гамілія Мітрапаліта Кандрусевіча ва ўрачыстасць Спаслання Духа Святога
27.05 09:06Гамілія Мітрапаліта Кандрусевіча на св. Імшы перад працэсіяй Божага Цела ў Мінску
21.05 19:31Гамілія Мітрапаліта Кандрусевіча падчас св. Імшы з нагоды сярэбранага юбілею манаскіх абяцанняў біскупа Аляксандра Яшэўскага SDB
21.05 12:00Гамілія Мітрапаліта Кандрусевіча падчас св. Імшы з удзелам дзяцей да Першай Камуніі ў мінскай архікатэдры
20.05 14:19Гамілія біскупа Антонія Дзям’янкі падчас св. Імшы з нагоды 360-й гадавіны пакутніцкай смерці св. Андрэя Баболі