Фота Аўдыё Відэа  
be  ru  pl  en  de info@catholic.by
У ЦАР сотні забітых: людзі шукаюць прытулку ў касцёлах
17.05.2017 10:03

Сотні забітых, цэлыя натоўпы людзей у пошуках прытулку ў касцёлах і на місіях. Насілле з новай моцай уварвалася ў штодзённасць Цэнтральнаафрыканскай Рэспублікі.

Ужо здавалася, што краіна паволі пачынае адбудоўваць мір і паяднанне, якія нішчыліся на працягу некалькіх гадоў у выніку крывавай грамадзянскай вайны. Аднак ужо некалькі тыдняў здараюцца новыя сутыкненні паміж паўстанцамі.

У Аліндао, што на ўсходзе краіны, паўстанцы забілі каля 130 жыхароў. Не лепшая сітуацыя і на захадзе ЦАР. Як паведаміў Ватыканскаму Радыё кс. Міраслаў Гуцва, польскі місіянер, пасля пілігрымкі папы Францішка ў гэтую афрыканскую краіну прайшлі прэзідэнцкія выбары і былі ўмацаваны міжнародныя войскі, што палепшыла сітуацыю, але стабільнай яна застаецца толькі ў сталіцы краіны. «На іншых тэрыторыях па-ранейшаму небяспечна. У правінцыі ўвесь час прабываюць узброеныя групоўкі, якія нястомна змагаюцца, а з-за гэтага гінуць нявінныя людзі», — дадаў польскі місіянер.

У гэтыя дні на ўсходзе краіны з пастырскім візітам прабывае кардынал Дзьёданэ Нзапалаінга. Іерарх заклікае неадкладна спыніць крывавыя бойкі, скласці зброю і вярнуцца да мірных перамоваў.

Паводле KAI (VGr)

 

Пры выкарыстанні матэрыялаў сайта спасылка на Catholic.By абавязкова.