Прэзідэнт Расіі Уладзімір Пуцін падчас тэлефоннай размовы з папам Францішкам абмеркаваў пытанні «абароны хрысціян у зоне канфліктаў», а таксама падкрэсліў «значэнне канструктыўнага міжрэлігійнага дыялогу для абароны этычных прынцыпаў» у міжнародных адносінах.
Размова адбылася 17 снежня, як паведамляе афіцыйны сайт кіраўніка Расіі.
Пуцін павіншаваў Святога Айца з 80-годдзем, падкрэсліўшы яго «асабісты ўклад ва ўмацаванні адносін паміж Расіяй і Ватыканам, якія апошнім часам выйшлі на якасна новы ўзровень».
У размове былі закрануты і справы расійска-ватыканскага супрацоўніцтва ў культурнай і гуманітарнай сферах.
Раней Прэзідэнт Расіі выслаў Папу Рымскаму тэлеграму з віншаваннямі на дзень нараджэння. Уладзімір Пуцін двойчы сустракаўся з папам Францішкам у Ватыкане — у лістападзе 2013 і ў чэрвені 2015 гг.