Поўная версія напісанай з дапамогай эмодзі Бібліі з’явілася ў сетцы і стала дасяжная для спампоўвання. Пра гэта паведаміла брытанскае выданне The Guardian.

Эмодзі — невялікія малюнкі, якія выкарыстоўваюцца для перапіскі ў мэсэнджэрах і сацыяльных сетках.

Аўтары, якія, як паведамляе выданне, пажадалі застацца ананімнымі, назвалі свой пераклад «Пісаннем для Міленіумаў» (людзей, якія нарадзіліся паміж 1980-2000-мі гадамі — Рэд.).

Так выглядае першы верш Кнігі Быцця на мове малюнкаў-эмодзі

«Я думаю, інтэрнэт настолькі хутка будзе развівацца, што праз сто гадоў з’явіцца асобны смайл для разумення фраз», — сказаў у інтэрв'ю выданню стваральнік эмодзі-версіі. У сваім перакладзе ён выкарыстаў 80 смайлікаў і 200 слоў. Аб’ём кнігі склаў 3300 старонак. Пры гэтым стваральнік адзначыў, што не з’яўляецца хрысціянінам, хоць «шмат у чым згодны з Езусам».  

Паводле «Риа новости»,

(MV)