Фота Аўдыё Відэа  
be  ru  pl  en  de info@catholic.by
Хрысціяне Пакістана заклікаюць да аднаўлення Міністэрства па справах рэлігійных меншасцяў
01.03.2016 12:42

Хрысціяне Пакістана патрабуюць аднаўлення ў краіне Міністэрства па справах рэлігійных меншасцяў. Яно было зачынена пяць гадоў таму пасля забойства Шахбаза Бхаці, першага каталіцкага міністра ў гісторыі гэтай ісламскай рэспублікі.

Шахбаз Бхаці загінуў ад рук тэрарыстаў за тое, што спрабаваў рэфармаваць закон аб блюзнерстве. Менавіта з-за гэтага закона была асуджана на смерць Асія Бібі.

Гэтая хрысціянская маці знаходзіцца за кратамі ўжо шосты год, а яе апеляцыя на прысуд да гэтага часу не разгледжана Вярхоўным судом. Шахбаз Бхаці выступаў у яе абарону.

Пасля яго смерці міністэрства было цалкам закрыта, а затым адноўлена ў форме аддзела, які практычна не мае паўнамоцтваў па прыняцці рашэнняў. Яго ўзначальвае мусульманін. Гэта абцяжарвае дыялог з рэлігійнымі меншасцямі, якія адчуваюць дыскрымінацыю ў Пакістане.

За апошнія пяць гадоў сітуацыя немусульман у Пакістане значна пагоршылася, іх правы моцна парушаюцца. Таму брат забітага міністра Пол Бхаці заклікае прэзідэнта Пакістана ад імя ўсёй хрысціянскай супольнасці краіны аднавіць міністэрства, якое «дазволіць будаваць вялікую гармонію і мірнае суіснаванне ў рэлігійна разнастайным грамадстве».

Шахбаз Бхаці быў забіты 2 сакавіка 2011 года. У гадавіну яго мучаніцкай смерці пройдзе міжрэлігійны сімпозіум і святая Імша. Касцёл у Пакістане толькі распачаў працэс беатыфікацыі забітага міністра. Каля яго цела забойцы пакінулі запіску: «Бхаці павінен быў памерці за сваю веру ў Езуса».

Паводле Deon.pl (MV)

 

Пры выкарыстанні матэрыялаў сайта спасылка на Catholic.By абавязкова.

Замежжа

08.12 10:48У Панаму для знаёмства з рэгіёнам прыбылі арганізатары СДМ
08.12 09:44Упершыню лідарамі па працягласці жыцця ў ЕС сталі іспанцы
07.12 09:38У Францыі адобрылі закон, які забараняе абарону жыцця ў сеціве
07.12 09:32У Вялікабрытаніі выпусцілі паштоўкі на Божае Нараджэнне з выявай Святой Зямлі ў агні вайны
07.12 09:22Сірыйскі біскуп сабраў ахвяраванні для выкупу з палону Ісламскай дзяржавы 200 хрысціян
06.12 09:37Як удзельнічаюць у Mannequin Challenge капуцыны і кармэлітанкі [+відэа]
06.12 09:07Патрыярх Кірыл і арцыбіскуп Вэн-Труа абмеркавалі абарону традыцыйных каштоўнасцяў
06.12 08:46Горад у Францыі абавязалі прыбраць фігуру Маці Божай з галоўнай плошчы
05.12 10:16Рэклама, якая паказвае, наколькі падобнымі могуць быць падарункі імама і каталіцкага святара (+відэа)
05.12 08:57Арцыбіскуп Латвіі заклікаў латвійскіх католікаў завяшчаць органы патрабуючым