У расійскім Уладзівастоку плануюць пабудаваць 80-метровую статую Хрыста, падобную да той, што ўстаноўлена ў Рыа-дэ-Жанейра (Бразілія). Праект распрацаваў скульптар Зураб Цэрэтэлі.

 

Унутры пастамента, на якім яна будзе ўстаноўлена, размесціца праваслаўны храм. Праект прапанаваў мясцовы бізнесмен, які і перадаў ва ўласнасць Уладзівастоцкай епархіі ўчастак зямлі. 

 

Статуя Езуса Хрыста — ідэя не на адзін год, але мы зробім усё неабходнае, каб увасобіць яе, сказаў протаіерэй Аляксей Сабанскі. Ва Уладзівастоку нямала ўзвышшаў, якія забудаваны паркоўкамі, шматпавярховымі дамамі, а статуя — вельмі маляўнічы аб’ект, і ён стане не толькі цэнтрам хрысціянскіх каштоўнасцяў, але і падставай для замежных гасцей наведаць Уладзівасток, паведаміў святар. 

 

Для параўнання: статуя Хрыста ў Рыа-дэ-Жанейра ў вышыню складае 33 метры, а самая вялікая ў свеце статуя Збаўцы ў Польшчы — 52 метры.