У Эрфурце распачаўся ХХІ Сусветны кангрэс рэлігіязнаўцаў (International Association for the History of Religion — IAHR). З гэтай нагоды, як інфармуе Каталіцкае інфармацыйнае агенцтва, у сталіцу нямецкай Цюрынгіі прыбыло каля 1400 удзельнікаў. Тыднёвы форум, які завершыцца 29 жніўня, праходзіць пад дэвізам «Дынаміка рэлігіі — будучыня і сумесны час».
Кангрэсы IAHR праходзяць кожныя пяць гадоў.
Сусветны кангрэс рэлігіязнаўцаў з’яўляецца платформай дыялогу сферы навукі з рэлігіяй. Арганізатарам сёлетняга кангрэсу выступае ўніверсітэт у Эрфурце, дзе знаходзіцца буйнейшы ў Германіі Інстытут рэлігіязнаўства. Суарганізатар кангрэса — Калегія Макса Вэбера, вядомая ва ўсім свеце як цэнтр рэлігійных даследаванняў.
(ils)