Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
У ЗША прайшоў марш у абарону ненароджаных дзяцей
23.01.2015 12:27

22 студзеня ў Вашынгтоне прайшоў «Марш за жыццё». З гэтай нагоды Папа Францішак у твіт-паведамленні адзначыў, што «кожнае жыццё — гэта дар».

Сёлета тысячы ўдзельнікаў маршу прайшлі вуліцамі амерыканскай сталіцы, каб у чарговы раз звярнуць увагу на каштоўнасць чалавечага жыцця і недапушчальнасць яго знішчэння праз аборты. Штогадовы «Марш за жыццё» арганізоўваецца ў Злучаных Штатах ужо ў 42-і раз. Традыцыйна ён праходзіць 22 студзеня, у гадавіну легалізацыі абортаў Вярхоўным судом краіны ў 1973 г. Маршу папярэднічае малітоўнае чуванне, якое на працягу некалькіх апошніх гадоў ахоплівае ўсе дыяцэзіі ЗША.

У 1984 г. прэзідэнт ЗША Рональд Рэйган абвясціў 22 студзеня Днём святасці чалавечага жыцця, заклікаючы амерыканцаў збірацца ў сваіх дамах і месцах культу, каб дзякаваць за дар жыцця, пацвярджаць уласную адказнасць за годнасць кожнага чалавека і прызнаваць святасць кожнага чалавечага жыцця.


 

Пры выкарыстанні матэрыялаў сайта спасылка на Catholic.By абавязкова.