Аддаць перавагу дыпламатыі перад зброяй, каб вырашыць крызіс у Іраку, з такім заклікам звярнуўся да амерыканскага ўраду біскуп Рычард Пэйтс, старшыня камісіі па пытаннях справядлівасці і міру епіскапату ЗША. У лісце скіраваным да дарадчыцы Прэзідэнта Злучаных Штатаў па пытаннях бяспекі Сьюзан Райс, іерарх нагадаў пра адказнасць амерыканцаў за іракскі народ.

Адначасова біскуп Пэйтс заклікаў прыкладаць намаганні для палітычнага вырашэння канфлікту ў Сірыі, абароны хрысціян і іншых меншасцяў. «ЗША павінна працаваць з міжнароднай супольнасцю, уключаючы Іран, Расію, Саўдаўскую Аравію і іншыя краіны адказныя за Сірыю: тэрмінова неабходна спыненне агню, пачатак сур’ёзных перамоваў, аказанне шырокай гуманітарнай дапамогі і падтрымка ў будаванні адкрытага грамадства ў гэтай краіне»,— лічыць амерыканскі каталіцкі біскуп.

Паводле Беларускай рэдакцыі Ватыканскага радыё, (AYU)