На чале аргкамітэта Сусветнага дня моладзі 2016 г. у Кракаве стаіць кардынал Станіслаў Дзівіш, арцыбіскуп Кракаўскі. Каардынатарам з’яўляецца біскуп Даміян Мускус, а яго намеснікамі кс. Ян Кабзінскі, дыяцэзіяльны эканом, і кс. Браніслаў Фідэлюс, генеральны вікарый архідыяцэзіі. Генеральным сакратаром з’яўляецца кс. Гжэгаж Сухадольскі. Гэтыя людзі ўтвараюць прэзідыeм. Камітэт, акрамя таго, складаецца з дзевяці тэматычных секцый, якія каардынуюць розныя сегменты падрыхтоўкі.

Біскуп Мускус паведаміў, што ў бліжэйшыя дні будуць абвешчаны вынікі конкурсу на гімн Сусветных дзён. Ён прызнаўся, што цэнтральным месцам правядзення форуму могуць стаць Кракаўскія лугі, хоць канчатковае рашэнне яшчэ не было прынята. Менавіта тут адбываліся галоўныя набажэнствы падчас візітаў у Польшчу Яна Паўла ІІ і Бэнэдыкта XVI. Папа Францішак ужо выказаў спадзяванне, што асабіста наведае Сусветныя дні моладзі ў Кракаве.

Паводле Беларускай рэдакцыі Ватыканскага радыё, (AYU)