Каталіцкія біскупы Эрытрэі апублікавалі заяву, у якой гаворка ідзе аб крызісным стане краіны і падвяргаецца крытыцы ўрад, які прадпрымае рэпрэсіўныя меры супраць хрысціян.

Публічна выказваючы сваю незадаволенасць дзяржаўнай палітыкай, біскупы адзначаюць, што высокі паказчык эміграцыі з Эрытрэі — відавочная прыкмета праблемы. Тыя, хто з’язджае, едуць у «мірныя краіны, у краіны справядлівасці, працы, дзе кожны можа выказацца публічна і дзе кожны працуе і зарабляе», адзначаюць біскупы.