|
 Фільм «Як перамагчы д’ябла» рэжысёра Майкла Кандрата выйграў Гран-пры на ХХІХ Міжнародным Каталіцкім фестывалі фільмаў і мультымедый у польскім Непакалянаве, які скончыўся 25 мая.
Паведамляе каталіцкае інфармацыйнае агенства.
Статуэткі з выявай св. Максіміліяна Кольбэ, дыпломы і ўзнагароды атрымалі дзясяткі кінатворцаў.
Карціна «Як перамагчы д'ябла» была адзначана за лепшы спосаб паказаць перамогу дабра над злом у сучасным свеце, у якім існуе і дзейнічае д'ябал.
Рэжысёр вырашыў зняць гэты фільм, таму што ён працаваў на працягу пяці год у якасці памочніка экзарцыста. «Мы вельмі рады, што фільм быў добра прыняты нават сярод саміх экзарцыстаў, якія з’яўляюцца экспертамі ў галіне духоўнай вайны, а таксама рознымі суполкамі і людзьмі, якія, убачыўшы гэты фільм, сказалі, што з яго можна атрымаць урок для сябе», — сказаў Майкл Кондрат.
Першы прыз у катэгорыі тэлевізійных праграм атрымаў Кшыштоф Tадэя за фільм пад назвай «Папа Францішак, чалавек, які змяняе свет», дзе паказвае Папу Францішка як таго, хто знаходзіцца блізка Бога і чалавека, які мае патрэбу. Гэтa вобраз кардынала Берголіo, які склаўся пасля абрання яго Пантыфікам.
У гэтым годзе на ўдзел у фестывалі было пададзена 158 фільмаў, кліпаў і тэлевізійных праграм і 40 мультымедыйных і радыёпраграм з 23 краін свету.
Арганізатарамі XXIX KФКiM з’яўляецца Каталіцкае Кінатаварыства імя Максіміліяна Марыi Кольбэ і кляштар айцоў францішканаў у Непакалянаве. (AYU)
|
для друку
