Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каталіцкае радыё ў Бангладэшы слухаюць амаль адны мусульмане
18.02.2014 12:02

99 % слухачоў каталіцкага Radio Veritas Asia у Бангладэшы з’яўляюцца мусульманамі. Гэта стала вядома пасля даследаванняў, якія былі праведзены са слухачамі. Для самых адданых прыхільнікаў была арганізавана нават спецыяльная сустрэча, якая налічыла 175 удзельнікаў.

Radio Veritas — гэта міжнародная радыёкампанія са штаб-кватэрай на Філіпінах, якая супрацоўнічае з Федэрацыяй Канферэнцыі Каталіцкіх біскупаў Азіі. Часамі яе называюць «місіянерам Азіі» ці «голасам азіяцкага хрысціянства». У Бангладэшы яна вяшчае 33 гады, збіраючы вакол сябе мільённую аўдыторыю слухачоў. Radio Veritas шмат увагі надзяляе грамадскім справам: сям’і, становішчу жанчын, гаспадарцы, навуцы і навінам з усяго свету. У сваю чаргу рэлігійныя праграмы ўключаюць сакральную літаратуру ісламу, будызму і індуізму. Прыхільнікі хрысціянскага радыё адзначаюць грамадскае значэнне і духоўны змест гэтых праграм.

 

Паводле Англійскай рэдакцыі Радыё Ватыкана, (AYU)

 

Пры выкарыстанні матэрыялаў сайта спасылка на Catholic.By абавязкова.