Канферэнцыя Каталіцкіх біскупаў Украіны назначыла 16 снежня днём посту ў інтэнцыі вырашэння канфлікту ў краіне. Гэта рашэнне было прынята на канферэнцыі епіскапату, якая адбылася 13 снежня.
Пра гэта паведамляе каталіцкае інфармацыйнае агенства.«Калі вочы ўсяго свету накіраваны ў бок Кіева, мы не дазволім, каб там не хапала нашага позірку і знаку падтрымкі і салідарнасці з тымі, хто пратэстуе. Таму, як Пастыры Рымска-Каталіцкага Касцёла ва Украіне, мы заклікаем усіх вернікаў да пастаяннай малітвы».— адзначаецца ў паведамленні.
Малітву біскупы заклікаюць падмацаваць постам, які «будзе асабістым адрачэннем, стане знакам салідарнасці з нашымі братамі і сёстрамі».
(AYU)