У Ватыкане прайшло пасяджэнне Папскай камісіі па абароне непаўналетніх |
Рымская курыя |
13.09.2016 10:13 |
5–11 верасня ў Ватыкане праходзіла пасяджэнне Папскай камісіі па абароне непаўналетніх. Падчас яго гаворка ішла пра ўвядзенне агульнакасцёльнага Дня малітвы за ахвяр сексуальных злоўжыванняў, распрацоўку метадычных матэрыялаў для Біскупскіх Канферэнцый і стварэнне сайту Камісіі. У межах пасяджэння папа Францішак сустрэўся з дзвюма ахвярамі сексуальных злоўжыванняў з боку духавенства ў Італіі. Сустрэча адбылася 10 верасня 2016 г. падчас юбілейнай агульнай аўдыенцыі на плошчы Св. Пятра, распавёў кс. Ганс Зольнер, член Папскай камісіі па абароне непаўналетніх. Кс. Ганс Зольнер лічыць, што на цяперашні момант «Касцёл па-сапраўднаму з’яўляецца самым актыўным і самым важным бокам» у сферы абароны непаўналетніх, дзякуючы сваёй дзейнасці ў сістэме каталіцкай адукацыі, працы з моладзю і сем’ямі. |