Арцыбіскуп Зыгмунт Зімоўскі, старшыня Папскай рады пастырства работнікаў сферы аховы здароўя, блізкі супрацоўнік трох Пантыфікаў, адышоў у вечнасць 12 ліпеня незадоўга да поўначы ў бальніцы ў горадзе Дамброва Тарноўская ў Польшчы пасля працяглай анкалагічнай хваробы.

Сярод тэм, у якіх выявіліся «новыя адрозненні», іерарх згадаў абарону жыцця ад зачацця да натуральнай смерці, а таксама сям’ю, сужэнства і сексуальнасць, у першую чаргу ў кантэксце дыскусіі аб гендэрнай ідэалогіі.

У другую нядзелю ліпеня Каталіцкі Касцёл адзначае так званую Марскую нядзелю. Папская рада пастырства мігрантаў і падарожнікаў штогод публікуе да гэтага дня спецыяльнае пасланне.

Узаемасувязі паміж іерархічнымі і харызматычнымі дарамі для жыцця і місіі Касцёла прысвечаны ліст Кангрэгацыі Веравучэння да біскупаў Каталіцкага Касцёла «Iuvenescit Ecclesia», апублікаваны 14 чэрвеня.

4 чэрвеня Святы Айцец Францішак па прапанове Рады кардыналаў зацвердзіў «ad experimentum» cтатут новай Дыкастэрыі па справах свецкіх, сям’і і жыцця.

26 мая адышоў у вечнасць кардынал Лорыс Франчэско Капавіла — адзін з найстарэйшых каталіцкіх іерархаў у свеце і былы асабісты сакратар Папы Яна XXIII.

«Казкамі» назваў кардынал Герхард Людвіг Мюлер меркаванні, што ў яго няма добрых адносін з Папам. У інтэрв’ю нямецкай газеце «Kölner Stadt-Anzeiger» прэфект Кангрэгацыі Веравучэння сказаў, што Папа Францішак не з’яўляецца прадстаўніком тэaлогіі вызвалення; Пантыфік, перш за ўсё, пастыр.

Разарваць заслону маўчання і адчужэння ў адносінах да людзей, якія пакутуюць ад рэдкіх захворванняў, і больш інтэграваць іх у грамадства заклікаў арцыбіскуп Зыгмунт Зімоўскі, старшыня Папскай рады пастырства работнікаў сферы аховы здароўя. 29 лютага ў Касцёле адзначаецца Сусветны дзень рэдкіх хвароб. З гэтай нагоды іерарх скіраваў адмысловае пасланне.

Сужэнства паміж дзвюма асобамі аднаго полу — немагчыма, нагадаў пазіцыю Каталіцкага Касцёла кардынал Герхард Людвіг Мюлер, прэфект Кангрэгацыі Веравучэння, на канфэрэнцыі, прысвечанай дзесяцігоддзю энцыклікі Бэнэдыкта XVI «Deus caritas est». Канферэнцыя пачалася 25 лютага ў Ватыкане.

Сустрэча Рады кардыналаў па дапамозе Святому Айцу ў кіраванні Касцёлам 9 лютага завяршыла сваё чарговае двухдзённае пасяджэнне ў Ватыкане. На ім прысутнічаў Папа Францішак. Галоўнай тэмай стала развіццё «калегіяльнасці» ў Касцёле са спасылкай на «неабходнасць дзейнічаць у здаровай дэцэнтралізацыі».

Больш за 1500 новапрызначаных біскупаў удзельнічалі ў апошнія 15 гадоў у навучальных курсах, арганізаваных Кангрэгацыяй па справах Біскупаў у Ватыкане. Яны праходзяць штогод у фармаце лекцый і дыскусій па тэалагічных, душпастырскіх і духоўных аспектах біскупскага служэння.

Cусветны дзень дапамогі хворым на праказу з’яўляецца для ўсіх магчымасцю працягнуць барацьбу супраць гэтай жудаснай інфекцыі, а таксама перамагчы маргіналізацыю, з якой сустракаюцца хворыя.

Вынікі адыходзячага 2015 года падвёў адзін з бліжэйшых супрацоўнікаў Папы Францішка, субстытут Дзяржсакратарыятa арцыбіскуп Анджэла Бэчу. У першую чаргу высокі ватыканскі іерарх адзначыў важнасць устанаўлення Святым Айцом Юбілейнага Годa Міласэрнасці.

Пры назіранні сёння за публічным жыццём можа скласціся ўражанне, што вялікія праблемы ствараюць перш за ўсё знакі рэлігійнага характару. Праявай гэтага з’яўляецца моцная тэндэнцыя да пераносу рэлігіі з грамадскага жыцця ў прыватную сферу або сферу субкультуры, заўважыў кардынал Курт Кох у інтэрв’ю швейцарскаму выданню SonntagsBlick.

«Еўрапейскі Саюз павінен распрацаваць такую агульную міграцыйную палітыку, якую будзе ў стане рэалізаваць. У адваротным выпадку, трэба чакаць сур’ёзных праблем, як унутраных, так і знешніх», — лічыць арцыбіскуп Пол Галахер, сакратар па адносінах Святога Пасаду з дзяржавамі.