Фота Аўдыё Відэа  
be  ru  pl  en  de info@catholic.by
Папа Францішак: Марыя Магдалена — апосталка самай прыгожай надзеі
Слова Папы
17.05.2017 12:33

Пра Марыю Магдалену як апосталку новай і найпрыгажэйшай надзеі казаў папа Францішак 17 мая падчас агульнай аўдыенцыі на плошчы Святога Пятра ў Рыме. Святы Айцец падкрэсліў, што ў гадзіну плачу і пакінутасці яна пачула ўваскрослага Хрыста, які клікаў яе па імені, каб з сэрцам поўным радасці яна пайшла і абвяшчала: «Я бачыла Пана!»

Кажучы пра дарогу Марыі Магдалены да грабніцы, якая ішла туды, каб намасціць алеямі цела Пана, Пантыфік заўважыў, што яна адлюстроўвае вернасць многіх жанчын, якія гадамі ходзяць сцежкамі могілак, памятаючы пра кагосьці, каго ўжо няма. «Самыя аўтэнтычныя сувязі не абрывае нават смерць: ёсць тыя, хто працягвае любіць, нават калі любая асоба адышла назаўсёды», — сцвердзіў Святы Айцец.

Папа Францішак падкрэсліў, што Марыя Магдалена была жанчынай, не схільнай да энтузіязму, і калі ўбачыла пустую магілу, падумала, што нехта скраў цела Пана. Таму першая вестка, якую яна несла, заключалася ў тым, што невядомыя скралі цела пакуль Ерузалем спаў. Для таго, каб яна адкрыла праўду ўваскрасення, трэба было, каб Езус назваў яе па імені. Каментуючы гэтую сцэну, Папа сцвердзіў: «Самым цудоўным з’яўляецца тое, што Бог значна раней паклапаціўся пра нашае жыццё, якое хоча палепшыць, а каб здзейсніць гэта, Ён кліча нас па імені, распазнаючы асабістае аблічча кожнага. Кожны чалавек з’яўляецца аповесцю любові, якую Бог піша на гэтай зямлі».

«Езус не прыстасоўваецца да свету, згаджаючыся, каб трывалі ў ім смерць, смутак, нянавісць, маральнае знішчэнне асоб... Наш Бог не абыякавы, наш Бог, дазволю сабе сказаць, летуценнік, Ён марыць аб трансфармацыі свету, а здзейсніў Ён гэта ў таямніцы змёртвыхпаўстання», — адзначыў Святы Айцец.

Папа Францішак нагадаў, што Марыя Магдалена перад сустрэчай з Езусам была ва ўладзе злога, але цяпер яна стала апосталкай новай і самай прыгожай надзеі. «Няхай Яе заступніцтва дапаможа і нам перажыць гэты досвед: я змяніў сваё жыццё, бо ўбачыў Пана!» — завяршыў сваю катэхезу Пантыфік.

Паводле КАІ (VGr)

 

Пры выкарыстанні матэрыялаў сайта спасылка на Catholic.By абавязкова.

Слова Папы

22.05 16:48Папа Рымскі да вернікаў: «Колькі ж людзей адышло, бо не адчувалі, што іх разумеюць?»
17.05 12:33Папа Францішак: Марыя Магдалена — апосталка самай прыгожай надзеі
17.05 09:03Папа Францішак: навізну навуковых адкрыццяў трэба прымаць у пакоры
16.05 11:51Папа Францішак заклікаў вайсковых капеланаў быць сведкамі праўды
15.05 09:09Папа Францішак: сёння існуе вялікая патрэба ў малітве аб спыненні шматлікіх войнаў
15.05 08:53Папа Францішак: у Фаціме я выпрошваў матчынай абароны Марыі для ўсяго свету
13.05 15:42Папа Францішак у Фаціме: Марыя прыйшла нагадаць пра Божае святло ў нас і вакол нас
13.05 08:34Папа Францішак: «У Фаціму я накіроўваюся з думкамі пра Расію»
12.05 08:47Папа Францішак да партугальцаў: «Мне патрэбна ваша адзінства, я даручу вас Марыі»
05.05 15:18Папа Францішак на Сусветны дзень малітваў аб пакліканнях: усе хрысціяне з’яўляюцца місіянерамі
  • 23.05.2017
  • 22.05.2017
  • 21.05.2017
  • 20.05.2017
  • 19.05.2017