Фота Аўдыё Відэа  
be  ru  pl  en  de info@catholic.by
Папа Францішак: навізну навуковых адкрыццяў трэба прымаць у пакоры
Слова Папы
17.05.2017 09:03

Касцёл пакліканы не баяцца навуковых адкрыццяў — заявіў папа Францішак на аўдыенцыі ўдзельнікам навуковага форуму ў Ватыканскай абсерваторыі на тэму «Чорныя дзіркі, гравітацыйныя хвалі і сінгулярнасць прасторы-часу».

Канферэнцыя праходзіла ў гонар бельгійскага касмолага каталіцкага святара Жоржа Леметра. Ён лічыцца айцом тэорыіі «Вялікага выбуху». Ксёндз Леметр узначальваў Папскую акадэмію навук ад 1960 па 1966 год.

«У бязмежнасці прасторы-часу сусвету, — сказаў Святы Айцец, звяртаючыся да вучоных, — мы, людзі, можам зведаць пачуццё здзіўлення і адчуць нашую мізэрнасць». Папа працытаваў Альберта Эйнштэйна: «Вечная таямніца свету — у яго зразумеласці». Гэтае сцвярджэнне падкрэслівае, што «існаванне і пазнавальнасць сусвету — гэта не толькі плод хаосу або выпадку, але плод Боскай прамудрасці».

«Ніколі не трэба баяцца праўды або бараніцца, займаючы пазіцыю закрытасці. Трэба прымаць навізну навуковых адкрыццяў у поўнай пакоры. Накіроўваючыся на ўскраіны чалавечых ведаў, можна перажыць сапраўдны досвед Бога, які ў стане напоўніць нашае сэрца», — дадаў Пантыфік.

Тэмы пра сусвет маюць асноватворнае значэнне для навукі і для тэалогіі. Папа адзначыў унёсак кс. Леметра ў касцёльнае і навуковае жыццё: «Як каталіцкі святар і касмолаг у бесперапыннай творчай напружанасці паміж навукай і верай, кс. Леметр заўсёды выразна абараняў метадалагічнае размежаванне паміж навуковай і тэалагічнай сферай, якія ўспрымаюцца як розныя сферы кампетэнцыі і якія разам з тым гарманічна ядналіся ў яго жыцці. Гэтае размежаванне, ужо ўласцівае святому Тамашу Аквінскаму, захоўвае ад узнікнення “кароткіх замыканняў”, шкодных як для навукі, так і для веры».

Паводле Радио Ватикана
(VGr)

 

Пры выкарыстанні матэрыялаў сайта спасылка на Catholic.By абавязкова.

Слова Папы

22.05 16:48Папа Рымскі да вернікаў: «Колькі ж людзей адышло, бо не адчувалі, што іх разумеюць?»
17.05 12:33Папа Францішак: Марыя Магдалена — апосталка самай прыгожай надзеі
17.05 09:03Папа Францішак: навізну навуковых адкрыццяў трэба прымаць у пакоры
16.05 11:51Папа Францішак заклікаў вайсковых капеланаў быць сведкамі праўды
15.05 09:09Папа Францішак: сёння існуе вялікая патрэба ў малітве аб спыненні шматлікіх войнаў
15.05 08:53Папа Францішак: у Фаціме я выпрошваў матчынай абароны Марыі для ўсяго свету
13.05 15:42Папа Францішак у Фаціме: Марыя прыйшла нагадаць пра Божае святло ў нас і вакол нас
13.05 08:34Папа Францішак: «У Фаціму я накіроўваюся з думкамі пра Расію»
12.05 08:47Папа Францішак да партугальцаў: «Мне патрэбна ваша адзінства, я даручу вас Марыі»
05.05 15:18Папа Францішак на Сусветны дзень малітваў аб пакліканнях: усе хрысціяне з’яўляюцца місіянерамі
  • 23.05.2017
  • 22.05.2017
  • 21.05.2017
  • 20.05.2017
  • 19.05.2017