Фота Аўдыё Відэа  
be  ru  pl  en  de info@catholic.by
Папа Францішак да партугальцаў: «Мне патрэбна ваша адзінства, я даручу вас Марыі»
Слова Папы
12.05.2017 08:47

«Я хацеў бы прыбыць да Божай Маці як Пастыр паўсюднага Касцёла, дорачы ёй букет з самых прыгожых “кветак”, які Езус даручыў маёй апецы, — братоў і сясцёр з усяго свету, адкупленых Яго крывёю, не выключаючы нікога», — сказаў папа Францішак у відэа-звароце да партугальцаў за некалькі дзён да сваёй пілігрымкі ў марыйны санктуарый у Фаціме.

Святы Айцец прылятае ў Фаціму сёння, 12 мая, і будзе там знаходзіцца да 13 мая. Візіт стане кульмінацыяй святкавання 100-годдзя аб’яўленняў Маці Божай.

«Мне патрэбныя вы ўсе, паяднаныя са мной. Мне патрэбна вашае адзінства, фізічнае або духоўнае, важна, каб яно сыходзіла ад сэрца, каб стварыць мой букет кветак, маю “залатую ружу”. Ствараючы з нас “адно сэрца і адну душу”, я даручу вас Панне Марыі, просячы яе, каб яна кожнаму ціха сказала: “Маё Беззаганнае Сэрца будзе для цябе сховішчам і шляхам, які прывядзе да Бога», — сказаў Папа.

Паводле Францішка, дэвіз пілігрымкі — «З Марыяй, пілігрым надзеі і міру» — змяшчае «цэлую праграму навяртання». Ён падзякаваў за «малітвы і самаадрачэнне», ахвяраваныя за яго, і прызнаўся, што мае патрэбу ў іх, будучы «грэшнікам сярод грэшнікаў». «Малітва асвятляе мае вочы, каб я мог убачыць іншых так, як бачыць іх Бог, каб любіў іншых так, як Ён любіць іх. У Яго імя я прыбуду да вас радасна дзяліцца Евангеллем надзеі і спакою. Няхай Пан благаславіць вас, а Найсвяцейшая Маці абароніць вас!» — завяршыў Францішак сваё кароткае відэа-пасланне.

Паводле Беларускай рэдакцыі Ватыканскага радыё
(VGr)

 

Пры выкарыстанні матэрыялаў сайта спасылка на Catholic.By абавязкова.

Слова Папы

22.05 16:48Папа Рымскі да вернікаў: «Колькі ж людзей адышло, бо не адчувалі, што іх разумеюць?»
17.05 12:33Папа Францішак: Марыя Магдалена — апосталка самай прыгожай надзеі
17.05 09:03Папа Францішак: навізну навуковых адкрыццяў трэба прымаць у пакоры
16.05 11:51Папа Францішак заклікаў вайсковых капеланаў быць сведкамі праўды
15.05 09:09Папа Францішак: сёння існуе вялікая патрэба ў малітве аб спыненні шматлікіх войнаў
15.05 08:53Папа Францішак: у Фаціме я выпрошваў матчынай абароны Марыі для ўсяго свету
13.05 15:42Папа Францішак у Фаціме: Марыя прыйшла нагадаць пра Божае святло ў нас і вакол нас
13.05 08:34Папа Францішак: «У Фаціму я накіроўваюся з думкамі пра Расію»
12.05 08:47Папа Францішак да партугальцаў: «Мне патрэбна ваша адзінства, я даручу вас Марыі»
05.05 15:18Папа Францішак на Сусветны дзень малітваў аб пакліканнях: усе хрысціяне з’яўляюцца місіянерамі
  • 23.05.2017
  • 22.05.2017
  • 21.05.2017
  • 20.05.2017
  • 19.05.2017