Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Папа Францішак заклікае даваць мужнае сведчанне дзеля абароны жыцця
Слова Папы
06.02.2017 12:13

5 лютага ў Італіі адзначаецца Дзень абароны жыцця, прысвечаны тэме «Жанчыны і мужчыны ў абарону жыцця па слядах святой Тэрэзы з Калькуты». З гэтай нагоды падчас малітвы «Анёл Панскі» на плошчы Святога Пятра папа Францішак заклікаў «да мужных асветніцкіх дзеянняў дзеля абароны чалавечага жыцця».

«Дарагія браты і сёстры, сёння ў Італіі адзначаецца Дзень абароны жыцця, прысвечаны тэме “Жанчыны і мужчыны ў абарону жыцця па слядах святой Тэрэзы з Калькуты”. Я далучаюся да італьянскіх біскупаў і заахвочваю да мужных асветніцкіх дзеянняў дзеля абароны чалавечага жыцця.

Кожнае жыццё святое! Будзем развіваць культуру жыцця ў адказ на логіку адкідання і дэмаграфічнага спаду; будзем побач і станем разам маліцца за дзяцей, якім пагражае перарыванне цяжарнасці, а таксама за людзей, якія наблізіліся да завяршэння свайго жыцця — кожнае жыццё святое! — каб ніхто не застаўся адзін, а любоў адстаяла сэнс жыцця.

Узгадаем словы Маці Тэрэзы: “Жыццё — гэта прыгажосць, захапляйся ім; жыццё — гэта жыццё, абарані яго!”, або разам з дзіцём, якое павінна нарадзіцца, або з чалавекам, які неўзабаве памрэ: кожнае жыццё святое!» — сцвердзіў Пантыфік.

Святы Айцец прывітаў «усіх тых, хто дзейнічае дзеля абароны жыцця, выкладчыкаў рымскіх універсітэтаў і тых, хто супрацоўнічае ў справе адукацыі новых пакаленняў» і пажадаў, каб яны былі «здольнымі пабудаваць гасцінную і годную супольнасць для кожнай асобы».

Дк. Мікола Гракаў
(VGr)

 

Пры выкарыстанні матэрыялаў сайта спасылка на Catholic.By абавязкова.