Фота Аўдыё Відэа  
be  ru  pl  en  de info@catholic.by
Святы Айцец: я наведваю краіны, якім магу крыху дапамагчы
Слова Папы
10.01.2017 12:16

Папа Францішак лічыць апостальскія падарожжы складанымі з псіхалагічнага пункту гледжання, але вартымі таго, каб іх здзяйсняць, бо яны даюць магчымасць дакрануцца да «няўяўнага багацця» абліччаў, вобразаў, досведаў, а таксама «ўмацаваць зерні надзеі».

Пра гэта Святы Айцец распавёў у інтэрв’ю, якое было змешчана ў новай кнізе італьянскага ватыканіста Андрэа Тарніэлі «У падарожжы». Выданне, прысвечанае падарожжам Пантыфіка, з’явілася ў кнігарнях Італіі 10 студзеня.

«Я аддаю перавагу тым краінам, якім магу крыху дапамагчы, падбадзёрыць тых, хто, нягледзячы на цяжкасці і канфлікты, працуе на карысць міру і адзінства; краінам, якія знаходзяцца або знаходзіліся ў глыбокіх цяжкасцях», — прызнаўся Пантыфік.

Паводле слоў Папы, яму ніколі не падабалася шмат падарожнічаць. «Калі я быў біскупам іншай дыяцэзіі, Буэнас-Айрэса, прыязджаў у Рым толькі калі было неабходна. Калі мог не прыязджаць, я не прыязджаў. Для мяне заўсёды было цяжка знаходзіцца далёка ад маёй дыяцэзіі, якая для нас, біскупаў, з’яўляецца “нявестай”», — прызнаўся Пантыфік.

Папа Францішак перакананы, што для добрага адпачынку яму не абавязкова трэба «змяняць асяроддзе». Галоўнае — мець больш часу для чытання і малітвы.

Пасля абрання на Святы Пасад папа Францішак пачаў з візіту на італьянскі востраў Лампедуза — першы прыстанак для тысяч бежанцаў, якія спрабуюць патрапіць у Еўропу праз Міжземнае мора. «Я ўбачыў кадры ратавання выжыўшых, атрымаў сведчанні пра шчодрасць і гасціннасць жыхароў Лампедузы. Таму, дзякуючы маім супрацоўнікам, быў арганізаваны гэты спантанны візіт. Было важна паехаць туды», — заўважыў Пантыфік.

Святы Айцец перакананы, што падчас сваіх пілігрымак ён пакліканы несці людзям Езуса, сведчыць аб Езусе і Яго блізкасці да ўсіх людзей, асабліва самых пакутуючых. Папа прызнаўся, што захоўвае ў сэрцы асобаў, якіх сустракае, і моліцца аб вырашэнні складаных і балючых сітуацый, сведкам якіх ён становіцца.

Папа Францішак распавёў, што не карыстаецца браніраванымі аўтамабілямі або папа-мабілямі з куленепрабівальным шклом, бо лічыць, што біскуп — гэта пастыр, айцец і паміж ім і людзьмі не павінна існаваць шмат бар’ераў. Пастаянна існуе рызыка «непрадказальных дзеянняў з боку якога-небудзь вар’ята, але Пан заўсёды побач», — дадаў Святы Айцец.

Паводле Беларускай рэдакцыі Ватыканскага радыё
(VGr)

 

Пры выкарыстанні матэрыялаў сайта спасылка на Catholic.By абавязкова.

Слова Папы

28.04 09:26Пантыфік да членаў Papal Foundation: я ўдзячны за вашу працу дзеля духоўнага і матэрыяльнага прагрэсу Касцёла
24.04 09:23Папа Францішак: міласэрнасць — гэта сапраўдная форма пазнання
18.04 08:12Папа Францішак благаславіў новы санктуарый у Асізі
17.04 10:37Папа Францішак у пасланні «Гораду і міру»: няхай Уваскрослы прынясе мір у нашыя дні
14.04 15:18Пра што папа Францішак гаварыў святарам у Вялікі чацвер?
10.04 10:01Папа Францішак у Пальмовую нядзелю Мукі Пана: мы не маем іншага Пана, акрамя Езуса, пакорнага Караля справядлівасці
03.04 16:31Папа Францішак выказаў спачуванні жыхарам Калумбіі, Конга, Венесуэлы і Парагваю
01.04 23:54Святы Айцец да святароў: «Бяжыце ад касцёльнага кар’ерызму»
31.03 09:16Пантыфік падрыхтаваў адмысловы ліст да Сусветнай сустрэчы сем’яў
28.03 15:28Папа Францішак да ААН: ліквідацыя ядзернай зброі — маральны імператыў
  • 28.04.2017
  • 27.04.2017
  • 26.04.2017
  • 25.04.2017
  • 24.04.2017