Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Слова Папы


Папа Францішак: выявіць свае сапраўдныя духоўныя патрэбы і папрасіць дапамогі ў Пана
23.03.2014 18:43

“Вялікі пост – гэта спрыяльныя нагода, каб зазірнуць унутр сябе, выявіць свае самыя сапраўдныя духоўныя патрэбы і папрасіць дапамогі ў Пана ў малітве”, - адзначыў Папа Францішак перад нядзельнай малітвай “Анёл Панскі” на плошчы св. Пятра 23 сакавіка. Пантыфік разважаў над евангельскім урыўкам пра сустрэчу Езуса з самаранкай.

 
Папа Францішак: сваім клопатам пра Езуса святы Юзаф з’яўляецца прыкладам для кожнага выхавацеля
19.03.2014 14:47

19 сакавіка, ва ўрачыстасць святога Юзафа, абранніка Найсвяцейшай Панны Марыі, Папа Францішак заклікаў удзельнікаў агульнай аўдыенцыі паглядзець на святога як на прыклад выхавацеля, які абараняў і суправаджаў Езуса на шляху ўзрастання ў трох галоўных вымярэннях: мудрасці, гадах і ласцы.

 
Папа Францішак: слова Хрыста расце ў нас, калі мы яго абвяшчаем
17.03.2014 11:00

“Дазвольце мне задаць вам адно пытанне. Ці чытаеце вы кожны дзень урывак з Евангелля? Некаторыя – так, некаторыя – не. Палова на палову. Гэта важна!” – падкрэсліў, звяртаючыся да сабраных вернікаў перад малітвай “Анёл Панскі” 16 сакавіка, Папа Францішак. Пантыфік заклікаў дзяліцца з іншымі, асабліва тымі, хто перажывае цяжкасці, досведам сваёй веры.

 
Папа Францішак: час Вялікага посту - спрыяльная нагода, каб ажыццявіць шлях навяртання
09.03.2014 18:18

“Час Вялікага посту з’яўляецца спрыяльнай нагодай для ўсіх нас, каб ажыццявіць шлях навяртання”, - сказаў Папа Францішак у разважанні перад малітвай “Анёл Панскі” на плошчы св. Пятра 9 сакавіка. “Адновім абяцанні нашага Хросту: адмовімся ад сатаны і ад ўсіх яго дзеянняў і спакусаў, каб пайсці па шляху Бога і ў радасці Святога Духа прыбыць да святаў Пасхі”, - заклікаў Пантыфік.

 
Святы Айцец: час Вялікага посту – спрыяльны момант навяртання да любові
05.03.2014 14:30

Навяртанне з’яўляецца ўдзячным адказам на цудоўную таямніцу любові Бога, адзначыў Папа Францішак падчас агульнай аўдыенцыі на плошчы св. Пятра 5 сакавіка, у Папяльцовую сераду, якой пачынаецца Вялікі пост. Пантыфік назваў гэты перыяд “моцным часам”, які можа паспрыяць перамене і навяртанню, неабходным для выхаду з прывычнай стомленасці і лянівай прывязанасці да зла.

 
Святы Айцец: пакуль кожны спрабуе назапашваць для сябе, ніколі не настане справядлівасць
02.03.2014 23:34

Не назапашваць багацці толькі для сябе, але ставіць іх на служэнне іншым - з такім заклікам звярнуўся да вернікаў, сабраных на плошчы св. Пятра, Папа Францішак перад нядзельнай малітвай “Анёл Панскі” 2 сакавіка.

 
Папа Францішак: Езус штодзённа давярае хрысціянам параненых целам і душой
26.02.2014 14:21

Сакрамэнту намашчэння хворых прысвяціў казанне падчас агульнай аўдыенцыі 26 лютага Папа Францішак. Па словах Святога Айца, гэты сакрамэнт дапамагае дакрануцца да спачування Бога чалавеку, спрыяе больш шырокаму погляду на хваробы і пакуты, у перспектыве Божай міласэрнасці.

 
Святы Айцец: пакліканне біскупа, кардынала і Папы - быць слугой, каб служыць у імя Хрыста
23.02.2014 21:09

23 лютага Папа Францішак сустрэўся з вернікамі на малітве “Анёл Панскі”. На плошчы св. Пятра прысутнічалі дэлегацыі з розных краін, якія прыбылі на ўрачыстасці, звязаныя з узвядзеннем новых кардыналаў. Пантыфік заклікаў вернікаў падтрымліваць сваіх пастыраў, суправаджаць іх малітвай і дапамагаць ім будаваць сапраўдны Хрыстовы Касцёл, у якім на першым месцы стаіць служэнне братам і мужнасць апраўдаць духоўныя чаканні і патрабаванні сучасных людзей.

 
Папа Францішак: кожны раз, калі мы спавядаемся, Бог нас абдымае
19.02.2014 15:05

Прыступаць да сакрамэнту пакаяння, які дае навяртанне і прымірэнне з Богам, сабой і братамі, заклікаў Папа Францішак 19 лютага падчас агульнай аўдыенцыі на плошчы св. Пятра. У сваёй катэхезе Святы Айцец засяродзіўся на розных аспектах сакрамэнту.

 
Папа Францішак: Езус не надае важнасці толькі дысцыплінарнаму выкананню і знешнім паводзінам
16.02.2014 17:06

“Езус не надае важнасці толькі дысцыплінарнаму выкананню і знешнім паводзінам. Ён ідзе да каранёў закона, звяртаючы ўвагу перадусім на інтэнцыі, значыць на сэрца чалавека”, - сказаў Папа Францішак падчас малітвы “Анёл Панскі” 16 лютага. Пантыфік патлумачыў, што значыць выконваць закон, і падкрэсліў, што яго асновай з’яўляецца запаведзь любові да Бога і бліжняга.

 
Папа: праз Эўхарыстыю Хрыстус хоча ўвайсці ў наша існаванне і прасякнуць яго сваёй ласкай
12.02.2014 15:08

Задумацца, ці з’яўляецца ўдзел у Эўхарыстыі нечым большым, чым проста святочным момантам, традыцыяй або нагодай адчуць сябе ў парадку адносна Бога, запрасіў вернікаў падчас агульнай аўдыенцыі 12 лютага Папа Францішак. Паводле Святога Айца, “існуюць вельмі канкрэтныя сігналы” для таго, каб зразумець сваё перажыванне Эўхарыстыі.

 
Папа Францішак: цудоўная місія – даваць святло свету, і гэтая місія даверана нам
10.02.2014 11:12

На евангельскую сімволіку святла і солі, якая адносіцца да тоеснасці хрысціяніна, звярнуў увагу Святы Айцец падчас сустрэчы з вернікамі 9 лютага на малітве “Анёл Панскі”.  Менавіта паслядоўнікі Хрыста, адзначыў Папа, павінны надаваць “смак” гэтаму свету, сёння як ніколі, і гэта павінна адбывацца праз сапраўднае сведчанне міласэрнасці.

 
Папа Францішак: удзел у Эўхарыстыі дазваляе нам ужо зараз адчуць адзінства з Айцом
05.02.2014 14:11

З сакрамэнту Эўхарыстыі пачынаецца кожны сапраўдны шлях веры, адзінства і сведчання, адзначыў Папа Францішак падчас агульнай аўдыенцыі 5 лютага. Нягледзячы на халоднае надвор’е і дождж, на плошчы св. Пятра сабраліся тысячы пілігрымаў. Катэхезу Пантыфік прысвяціў сакрамэнту Эўхарыстыі, які знаходзіцца ў сэрцы “хрысціянскай ініцыяцыі” і разам з хростам і канфірмацыяй складае крыніцу жыцця Касцёла.

 
Папа Францішак: неабходна з удзячнасцю шанаваць практыку кансэкраванага жыцця
02.02.2014 19:54

Маліцца за тых, якія далі адказ на пакліканне Езуса і рэалізуюць сябе ў манаскім жыцці, заклікаў вернікаў Святы Айцец падчас сустрэчы на малітве “Анёл Панскі” 2 лютага. Пантыфік нагадаў, што 2015 год будзе ў Касцёле прысвечаны асаблівым чынам кансэкраванаму жыццю.

 
Папа: калі прымаем Святога Духа і дазваляем Яму дзейнічаць, Хрыстус становіцца прысутным сярод нас
29.01.2014 13:46

“Гэты сакрамэнт мацней яднае нас з Хрыстом, прыводзіць да спаўнення нашу сувязь з Касцёлам, дае асаблівую сілу Святога Духа, неабходную, каб распаўсюджваць і бараніць веру, вызнаваць імя Хрыста і не саромецца крыжа”, - адзначыў Папа Францішак падчас агульнай аўдыенцыі 29 студзеня. Сваю трэцюю катэхезу на тэму сакрамэнтаў Пантыфік прысвяціў канфірмацыі.

 
<< Першая < Папярэдняя 21 22 23 24 25 26 27 Наступная > Апошняя >>

Старонка 24 з 27
Пры выкарыстанні матэрыялаў сайта спасылка на Catholic.By абавязкова.