Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Папа абвясціў імёны новых кардыналаў
Святы Айцец
09.10.2016 16:03

Перад малітвай «Анёл Панскі» 9 кастрычніка Папа Францішак абвясціў аб скліканні кансісторыя, на якім атрымаюць кардынальскую годнасць некалькі іерархаў.

Пантыфік сказаў, што перад закрыццём Брамаў Святога Года Міласэрнасці правядзе кансісторый для надання кардынальскай годнасці 13 іерархам, якія паходзяць з пяці кантынентаў. «Іх паходжанне з 11 нацый выяўляе ўніверсальнасць Касцёла, які абвяшчае і сведчыць аб Добрай Навіне Божай Міласэрнасці ў кожным кутку зямлі. Прызначэнне новых кардыналаў у Рымскую дыяцэзію праяўляе таксама непарыўную сувязь паміж Сталіцай Пятра і мясцовымі Касцёламі, раскіданымі па ўсім свеце. У нядзелю 20 лістапада 2016 г., ва ўрачыстасць Хрыста Валадара і на заканчэнне Надзвычайнага Святога Года Міласэрнасці, я буду цэлебраваць святую Імшу з новымі кардыналамі, з членамі Калегіі кардыналаў, з арцыбіскупамі, біскупамі і святарамі», — сказаў Папа.

Пантыфік назваў імёны новых кардыналаў:

1. Марыё Дзэнары (Італія)
2. Д’ёдонэ Нзапалаінга (Цэнтральнаафрыканская Рэспубліка)
3. Карлас Асора Сьера (Іспанія)
4. Серджыо да Рока (Бразілія)
5. Блас Купіч (ЗША)
6. Патрык Д’Разарыо (Бангладэш)
7. Балтасар Энрыке Порас Кардоса (Венесуэла)
8. Жозэф Дэ Кесель (Бельгія)
9. Маурыцэ Піат (Маўрыкій)
10. Кевін Джозэф Фарэл (ЗША)
11. Карлас Агілар Рэтэс (Мексіка)
12. Джон Рыбат (Папуа – Новая Гвінея)
13. Джозэф Уільям Тобін (ЗША).

Святы Айцец заклікаў маліцца за новых кардыналаў, каб яны, сцвярджаючы сваю прыхільнасць Хрысту, дапамагалі Папу ў выконванні яго служэння як Біскупа Рыма.

Паводле беларускай рэдакцыі Ватыканскага радыё

(AG)

 

Пры выкарыстанні матэрыялаў сайта спасылка на Catholic.By абавязкова.