Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Папа патэлефанаваў мэру Ніцы і прапанаваў дапамогу
Святы Айцец
19.07.2016 23:40

Папа Францішак патэлефанаваў мэру Ніцы (Францыя) Крысціяну Эстразі. Пантыфік выказаў свой боль з прычыны тэрарыстычнага нападу, які «параніў» гэты горад, і спытаўся, ці можа нейкім чынам дапамагчы яго жыхарам. Папа таксама паведаміў, што ў любы момант гатовы сустрэцца ў Ватыкане з сем’ямі загінулых.

Пасля размовы мэр напісаў на «Twitter»: «Я ўзрушаны званком ад Папы, які патэлефанаваў, каб запэўніць у сваіх малітвах за жыхароў Ніцы і сем’і загінулых».

Падчас нядзельнай малітвы «Анёл Панскі» Святы Айцец даверыў Богу ўсіх ахвяр гэтай, паводле яго слоў, разні. Таксама Пантыфік маліўся, каб добры Бог адхіліў любыя планы тэрору і смерці, каб ніхто не асмеліўся больш праліваць крыві брата.

Тэракт у Ніцы быў здзейснены ўвечары 14 ліпеня. Грузавы аўтамабіль урэзаўся ў натоўп людзей, пасля чаго кіроўца адкрыў агонь па прахожых. Ахвярамі злачынства сталі 84 чалавекі, яшчэ каля 200 атрымалі раненні. Сярод пацярпелых — не менш за 54 дзіцяці.

Паводле беларускай рэдакцыі Ватыканскага радыё

 

Пры выкарыстанні матэрыялаў сайта спасылка на Catholic.By абавязкова.