У другой палове дня 26 чэрвеня Папа Францішак прыбыў у манастыр Хор Вірап, які знаходзіцца каля мяжы з Турцыяй, ля падножжа гары Арарат.

Паводле традыцыі, у гэтым манастыры на працягу 13 гадоў утрымліваўся ў няволі св. Грыгорый Асветнік – першы Каталікос усіх армян. Папу Францішка і Гарэгіна ІІ прывітаў кіраўнік манастыра. Тут адбылася малітва: Святы Айцец маліўся на італьянскай мове, а Каталікос на армянскай. Пасля малітвы Пантыфік і Вярхоўны Патрыярх выпусцілі пару галубоў з прыступкаў манастыра.

Затым Пантыфік паехаў у аэрапорт Ерэвана «Звартноц», адкуль накіраваўся ў паваротную дарогу ў Рым.

Паводле беларускай рэдакцыі Ватыканскага радыё