Праз інтэрнэт кожны карыстальнік можа прайсці шляхам Папы Францішка і ў віртуальным 3D-свеце наведаць усе касцёлы, дзе быў Пантыфік.

Архідыяцэзія Мехіка разам з мексіканскім аддзяленнем Google падрыхтавала афіцыйны сайт візіта Папы Францішка ў Мексіку, які дазваляе глядзець не толькі відэа і фота з месца падзеяў.

Стваральнікам прыйшла ідэя даць кожнаму чалавеку на зямлі магчымасць адчуць сябе ўдзельнікам вандроўкі праз выкарыстанне тэхналогіі street view.

Усяго такім чынам былі створаны панарамы ў 80 розных касцёлах, у тым ліку такіх важнейшых, як базыліка Панны Марыі Гвадэлупскай.

Таксама даступны праграма і мапа вандроўкі Святога Айца.

Аляксандр Гелагаеў паводле Catholicnewsagency.com і Romereports.com