Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Папа звярнуўся з парадамі да кансэкраваных асобаў
Святы Айцец
02.02.2016 13:15

1 лютага  Папа Францішак сустрэўся з удзельнікамі завяршальных мерапрыемстваў Года кансэкраванага жыцця, які працягваўся ў Каталіцкім Касцёле з 30 лістапада 2014 г. У аўдыенцыі з Пантыфікам прынялі ўдзел каля чатырох тысяч законнікаў і законніц з розных краін свету.

Адклаўшы загадзя падрыхтаваны тэкст прамовы, Святы Айцец звярнуўся да сабраных спантанна. Ён заклікаў кансэкраваных асобаў быць прарокамі ў сучасных грамадствах: казаць людзям пра існаванне шляху шчасця, велічы, шляху, які напаўняе радасцю і які з’яўляецца шляхам Езуса Хрыста. Яго сутнасць заключаецца ў тым, каб быць побач з Панам. Прарочыць, паводле Папы, азначае казаць пра «нешта больш праўдзівае, вялікае, добрае, да чаго ўсе мы пакліканы».

Лешым аспектам кансэкраванага жыцця Папы Францішак назваў блізкасць да людзей: блізкасць фізічную і духоўную. Пачынаць Пантыфік заклікаў з братоў і сясцёр з уласнай манаскай супольнасці. Папа папярэдзіў аб разбуральных наступствах пляткарства, якое параўнаў з «тэрарызмам» і нагадаў аб важнасці панавання над уласным языком.
Святы Айцец перакананы, што законнікі і законніцы не павінны губляць надзеі, нават перад абліччам памяншэння колькасці пакліканняў да манаскага жыцця. Трэба працягваць адносіцца да паліканняў сур’ёзна і з праніклівасцю глядзець на кандыдатаў, якія прыходзяць у супольнасць. «Неабходна добра глядзець ці гэта сапраўднае пакліканне і дапамагаць яму ўзрастаць», — сказаў Папа і падкрэсліў важнасць пастаяннай і гарачай малітвы ў гэтай інтэнцыі. «Пан, які быў такім шчодрым, выканае сваё абяцанне. Але мы павінны прасіць Яго. Павінны стукаць у дзверы Яго сэрца», — дадаў ён.

Паводле Папы  Францішка, калі манаская супольнасць становіцца вельмі малой, перад ёй узнікае рызыка прывязанасці да грошай. Гэта супраць надзеі, як падкрэсліў Пантыфік.

Паводле беларускай рэдакцыі Ватыканскага Радыё, (AYU)

 

Пры выкарыстанні матэрыялаў сайта спасылка на Catholic.By абавязкова.