Пантыфік: «Аўшвіц» — заклік да будаўніцтва будучыні на павазе, міры і сустрэчы | | Друк | |
Святы Айцец |
29.01.2015 13:05 |
«Аўшвіц» з’яўляецца крыкам страшэннага болю і цярпення і заклікам да будучыні, пабудаванай на павазе, міры і сустрэчы паміж народамі», — адзначыў Папа Францішак у сваім твіт-паведамленні, скіраваным з нагоды 70-годдзя вызвалення канцэнтрацыйнага лагера «Аўшвіц-Біркенаў», якое адзначалася 27 студзеня. Памятныя мерапрыемствы прайшлі на тэрыторыі былога лагера смерці пры ўдзеле каля 40 лідараў розных краін свету, а таксама амаль 300 былых зняволеных. У рамках святкавання вызвалення вязняў канцлагера адбыліся міжрэлігійная і экуменічная малітвы, у якасці прадстаўніка Папы ў мерапрыемствах прымаў удзел арцыбіскуп Кракаўскі кардынал Станіслаў Дзівіш. Паводле беларускай рэдакцыі Ватыканскага радыё, (AYU) |