Адпаведны дакумент падпісаў 19 верасня Дзяржсакратар Папы Францішка кардынал П’етро Паралін у штаб-кватэры ААН у Нью-Ёрку.

Як нагадаў на старонках газеты «L’Osservatore Romano» cакратар па адносінах Апостальскай Сталіцы з дзяржавамі арцыбіскуп Пол Рычард Галахер, Папа Францішак называў карупцыю «душэўнай ранай грамадства» і заклікаў рашуча супрацьстаяць гэтаму злу. Ватыканскі дыпламат заўважыў, што асноўныя палажэнні канвенцыі ўжо ўтрымліваюцца ў заканадаўстве Святога Пасаду. Арцыбіскуп нагадаў пра існаванне папскіх дакументаў адносна юрысдыкцыі ватыканскіх судовых органаў у сферы крымінальных злачынстваў, адносна папярэджання і супрацьдзеяння нелегальнай фінансавай і грашовай дзейнасці, нормаў празрыстасці, нагляду за дзейнасцю фінансавых структур і кантролю за фінансавай інфармацыяй.

Канвенцыя ААН супраць карупцыі была прынята на пленарным пасяджэнні 58-й сесіі Генеральнай Асамблеі ААН 31 кастрычніка 2003 г. і ўступіла ў сілу 14 снежня 2005 г. Гэта першы антыкарупцыйны міжнародна-прававы дакумент у гісторыі.

Паводле беларускай рэдакцыі Ватыканскага радыё

(AG)