Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Упершыню намеснікам прэс-сакратара Ватыкана стала жанчына
Дзяржава Ватыкан
13.07.2016 14:37

40-гадовая іспанская журналістка Палома Гарсія Авехера стала першай у гісторыі жанчынай, прызначанай намеснікам прэс-сакратара Апостальскай сталіцы.

Новую пасаду журналістка атрымала 11 ліпеня, калі стала вядома, што новым прэс-сакратаром Апостальскай сталіцы прызначаны 56-гадовы амерыканец Грэг Бёрк, член руху Opus Dei, былы супрацоўнік Reuters і шматгадовы журналіст тэлекампаніі Fox News, які з 2012 года працаваў у якасці саветніка па камунікацыях у Ватыкане.

На фота: новы прэс-сакратар Ватыкана Грэг Бёрк, яго намесніца Палома Авехера і іх папярэднік — былы прэс-сакратар Апостальскай Сталіцы а. Фэдэрыко Ламбардзі

Акрамя англійскай, Грэг Бёрк ведае таксама іспанскую, італьянскую і французскую мовы. Яго намесніца, якая стала першым журналістам-неітальянцам на гэтай пасадзе, размаўляе таксама па-кітайску.

Журналісты побач з Папам Францішкам — іх «новым шэфам»

Палома Авехера з 1998 года была рэдактарам, вядучай, а пазней галоўным рэдактарам іспанскай радыёстанцыі «Cadena Cope», якое належыць да найбольшай папулярных у Іспаніі. З 2012 года працавала ў якасці карэспандэнта з Рыма для сваёй радыёстанцыі, а таксама для іншых СМІ.

Ілья Лапато паводле парталаў kathpress.at, katholisch.de


 

Пры выкарыстанні матэрыялаў сайта спасылка на Catholic.By абавязкова.