Бліжэйшы супрацоўнік Папы падзяліўся думкамі пра сітуацыю мігрантаў |
Дзяржава Ватыкан |
29.08.2015 18:05 |
Неабходна адкласці дыскусіі і, аб’яднаўшы сілы, дапамагчы мігрантам, адзначыў Дзяржаўны Сакратар Папы Францішка кардынал П’етро Паралін. Сваімі думкамі аб актуальнай драматычнай сітуацыі бежанцаў бліжэйшы супрацоўнік Папы падзяліўся з журналістамі 29 жніўня падчас візіту ў рымскую клініку «Джэмэлі». Па словах кардынала, праблема міграцыі складаная і на яе ўплывае шмат прычын: старых і новых. Існуюць таксама і рашэнні – тыя, якія павінны быць прыняты неадкладна, і тыя, якія патрабуюць часу, падкрэсліў іерарх. (AG) |