Фота Аўдыё Відэа  
be  ru  pl  en  de info@catholic.by
У новых «Падарожжах дылетанта» — маляўнічыя Відзы і адзін з самых высокіх касцёлаў Беларусі
Беларусь - Віцебская дыяцэзія
16.05.2017 15:41

На гэты раз знакаміты «дылетант» Юрый Жыгамонт патрапіў ў гарадскі пасёлак Відзы, што знаходзіцца паміж трох азёр ў маляўнічым Браслаўскім раёне Віцебскай вобласці. У гэтым мястэчку стаіць 59-метровы касцёл, адзін з самых высокіх у краіне. У Відзах пахаваны адзін з кіраўнікоў паўстання 1794 года Тамаш Ваўжэцкі.

Першыя запісы пра мястэчка Відзы з’явіліся ў летапісах напачатку XV стагоддзя, заснавана яно было родам Нарушэвічаў. У той жа час тут быў пабудаваны драўляны касцёл, які да нашагу часу, на жаль, не захаваўся.

Затое зараз тут знаходзіцца адзін з самых высокіх касцёлаў Беларусі, вышыня якога — 59 метраў. Ён усяго на 2 метры саступае касцёлу, што знаходзіцца ў Гервятах. Касцёл быў пабудаваны ў 1914 годзе і з’яўляецца ўзорам неагатычнага стылю.

Відзы заўсёды былі шматканфесійным мястэчкам. Тут жылі праваслаўныя, католікі, пратэстанты, яўрэі, мусульмане, стараверы.


Відзаўскі край — бацькаўшчына аднаго з кіраўнікоў паўстання 1794 года Тамаша Ваўжэцкага. Тут знаходзіцца яго магіла. Ён узначаліў паўстанне пасля паланення свайго паплечніка Тадэвуша Касцюшкі. Падчас вайны 1812 года ў Відзах знаходзілася стаўка расійскага імператара Аляксандра І. Пазней ў мястэчку адбыўся бой паміж расійскімі і французскімі войскамі.

Са студзеня 2017 года праграма «Падарожжа дылетанта» ствараецца пры падтрымцы velcom і выходзіць на партале TUT.BY два разы на месяц.

Таісія Пажогіна
(VGr)

 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў
31.05 08:57Глыбоцкія выпускнікі новы этап у сваім жыцці распачалі супольнай малітвай
16.05 15:41У новых «Падарожжах дылетанта» — маляўнічыя Відзы і адзін з самых высокіх касцёлаў Беларусі
15.05 17:06Апостальскі Нунцый Габар Пінтэр наведаў каталіцкія парафіі ў Віцебску