Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Браслаў: біскуп Віцебскі Алег Буткевіч адкрыў выставу жывапісу Друйскага мастацкага пленэру
Беларусь - Віцебская дыяцэзія
06.02.2017 09:50

4 лютага ў Браслаўскім музеі традыцыйнай культуры біскуп Віцебскай дыяцэзіі Алег Буткевіч адкрыў выставу жывапісу Друйскага мастацкага пленэру 2016 года. На выставе прадстаўлена 38 маляўнічых палоцен. Калекцыя ўяўляе сабою збор твораў у розных мастацкіх накірунках і стылях. Акрамя алейных прац на палатне прадстаўлена таксама некалькі акварэляў.

Пленэр, што ладзіцца пры пабернардынскім кляштары ў Друі, за апошнія гады набыў вядомасць і папулярнасць у мастацкіх колах нашай айчыны, стаў прывабным і запатрабаваным сярод вядомых мэтраў і творцаў Беларусі, мастацкіх крытыкаў і гледачоў.

Асноўная мэта пленэру ў старажытных мурах — дыялог рэлігіі і мастацтва, будаўніцтва мастоў і вядзенне дыялогу паміж культурай і рэлігіяй. Менавіта на гэтым засяродзіўся іерарх падчас сваёй прамовы на адкрыцці выставы. Рэлігія і мастацтва маюць агульныя пачаткі, суплёт прагненняў да прыгожага наскрозь прасяквае і першы, і другі тып мыслення. Мы пазнаём Бога праз створаны Ім свет. Мастацтва, дзякуючы таленту творцы, можа гэтыя Божыя задумы раскрыць, паглыбіць і падкрэсліць.

«Не самае галоўнае тое, наколькі запатрабаваныя творы новых, маладых мастакоў сёння, наколькі поўныя гледачамі залы. Гэта праца і для нашчадкаў, для якіх мастакі ствараюць абразкі навакольнага свету, захоўваючы традыцыі нацыянальнага мастацтва», — падкрэсліў біскуп Віцебскі падчас адкрыцця пленэру.

Біскуп Буткевіч выказаў радасць, што ў Касцёле ёсць месца дыялогу з людзьмі культуры найшай краіны, што гэты дыялог вядзецца і прыносіць свае плёны ў выглядзе выставаў і сустрэчаў з творчай інтэлігенцыяй, дзе падкэсліваецца такскама рэлігійны складнік такіх паняццяў як талент, натхненне і прызначэнне творцы і твору. Іерарх выказаў сваю падтрымку і благаслаўленне. Біскуп спадзяецца, што гэтая праца, распачатая кс. Сяргеем Сурыновічам у Друі,  будзе працягвацца і далей.

У гэтым годзе Друя з 22 па 30 ліпеня чакае мастакоў на чарговы пленэр, прысвечаны 500-годдзю першай друкаванай кнігі Францыска Скарыны, які ўжо набыў сваю адметную назву — «скарынэр». У кляштыры будзе ўсталявана копія друкарскага станка Гутэнберга, а таксама інсталяцыі, прысвечаныя Бібліі Скарыны.

Чакаюцца сустрэчы з дакладамі навукоўцаў і біблеістаў, музычныя вечары, што надасць пленэру характэрную атмасферу, засяродзіць творцаў на тэматыцы Бібліі і яе значэнні для нашай нацыі.

Біскуп Алег Буткевіч сустрэўся з супрацоўнікамі музея, якія падарылі яму вышываную кашулю, створаную рукамі майстрыхі Марыі Дворскай, і тканы пояс працы Наталлі Парахневіч. Іерарх падзякаваў працаўнікам музея за іх працу па захаванні беларускай народнай спадчыны, за адданасць браслаўскай зямлі і папулярызацыю яе культурных здабыткаў.

(VGr)
Фота Ганны Базарэвіч

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў