Арганізатары звяртаюць увагу, што з 1 студзеня 2017 года пры ўездзе ў памежную зону, куды ўваходзіць і в. Росіца Верхнядзвінскага раёна, з сабою абавязкова трэба мець пашпарт (плаціць дзяржаўную пошліну не трэба).

Росіца — вёска ў Верхнядзвінскім раёне, дзе ў 1943 г. пакутніцкую смерць дабраахвотна прынялі святары марыяне Юры Кашыра і Антоні Ляшчэвіч. У 1999 годзе папа Ян Павел ІІ абвясціў росіцкіх пакутнікаў благаслаўлёнымі. З таго года ў Росіцы адбываюцца ўрачыстасці як падзяка за прыклад мужнасці веры. Сёлета малітва за ахвяраў росіцкай трагедыі пройдзе 18 лютага.

Разам са святарамі і кансэкраванымі асобамі Віцебскай дыяцэзіі ўдзельнікі ўрачыстасцяў пройдуць апошнім шляхам марыянскіх святароў і вернікаў росіцкай парафіі ў пакутнай працэсіі на пляц мучаніцтва.

Праграма:

• 11.00 — адарацыя Найсвяцейшага Сакрамэнту (магчымасць прыступіць да сакрамэнту пакаяння)
• 12.00 — святая Імша (узначальвае біскуп Віцебскі Алег Буткевіч)
• 13.00 — працэсія на пляц мучаніцтва благаслаўлёных ксяндзоў марыянаў Юрыя і Антонія
• 14.00 — гарачы пасілак

(VGr)